ــــــــــــــــــــــــــــــــــــــــــــــــ
بسم الله الرحمن الرحيم
قبل البدء طيبوا افواهئكم بالصلاه على محمد وآل محمد الطيبين الطاهرين
الحمد الله
استغفر الله
سبحان الله ♥
ــــــــــــــــــــــــــــــــــــــــــــــــــــــــــــــــــــــــــــــــــــــــــ
انه ما يگُلتنيَ، الحُزن انه
يگُتلني الفرحَ، الچذابَ
.................................
هلال: كعدت الصبح من وقت اليوم سويت مرگت عدس وتمن وريگت اخواني وبدلت الهم وصفطت الصاله ورحت بدلت اني مااتريك ما اتقبل اكل الصبح على الريوگ
اليوم الا انتقم من ساره مو اني قبل كم يوم مامسويه الها شي وهيه ذبت مي على دفتري وكتابي هذا غير حچيها المثل السم ونضراتها لا اليوم العب بيها لعب صارلي كم يوم افكر بالطريقه ولگيتها
اول شي دخلت لغرفه ضحى اخذت منها علوچه ورحت للحمام مرت ابوي مخليه هناك شويه مكياج اجه بعيني ثوب نوم مالتها مال متزوجات لعبت نفسي بس لا الا حقي اخذه من حلگ الاسد
جريت الثوب وخليته هوه والحمره والعلوچه بعلاگه وخليتهن بالجنطه مال المدرسه
اول درس جان عدنا رياضه اجتنا ام الرياضه وخلتنا نركض بالساحه طيحت حظنا بدون لا تحس انسحبت ورحت للصف فتحت جنطتي وشلت العلاگه وخليتها بجنطه ساره
هيه دائما تصاحب ولد وتغش وتخلي مكياج ومن نحل من المدرسه ويجون شباب تبقى تضحك الهم ووتمايل بمشيها
ثاني درس امتحنا احياء امتحنت مدري شعجب الاسئله سهله حليتها وطلعت للساحه رحت للاكثر مدرسه عصبيه ومخبله وكتلها
هلال: صباح الخير ست
المدرسه: هلا
هلال: ست اريد اكلج شي بس اني اريده بيني وبينج بس تمام ست
المدرسه: خيرر
هلال: تعرفين ست المراهقه وبعض البنات الماﻤؤدبات ويلي ما يمثلناا ولا يستاهلن تعبجن عليهن ولا اهتمامجن
المدرسه: خير شبيهن هسه طلعين وحده منه
هلال: حشى ست حشى
المدرسه: وبعدين اختصري معندي وقت
هلال: اكو طالبه تصاحب شباب وتطلع وياهم بصفنه
المدرسه: ولچ منو هاي بسرعه
هلال: مو بس هيج لا ست فوگاها يتلاگون ويمارسون الفاحشه والعياذ بالله
جرتني المدرسه الها وگالت بحده تحجين هاي منو لو اوديچ للمديره.
هلال:لا حبي هوه اني اجيت اكلج عليها لا توصين حريص.
اسمها ساره **** *** الصف الخامس شعبه أ
المدرسه: عفيه عليچ ماما مادام حچيتي راح اوصي المدرسات ينطنج بكل ماده درجتين على الشهري
هلال: شكرا عمري بس لا تگولين الها عني ست اخاف والله هيه عدها شلل وبيتهم يم بيتنا لزگ خاف تهد عليه وتأذيني
أنت تقرأ
بين فنايا الظلمات
ChickLitبين فنايا الظلمات بين فنايا ظلمات الحياة ولوعات القلب وامواج الحياة ورياحها التي تعصف بينا الى حيث لا نريد والعاب القدر تلك الحياة الظالمه التي تختار الفقير والمسكين لتذوقهة من كأس الغدر والخيانه والحزن وتشبعة الهموم وتغنيه بالحزن والالم وتسلط عليه...
