بين فنايا الظلمات

البارت السادس

بسم الله الرحمن الرحيم

قبل البدء طيبوا افواهئكم بالصلاه على محمد وعلى ال محمد الطيبين الطاهرين وعجل لوليه الفرج

سبحان الله
الحمد الله
استغفر الله
الحمد الله

~~~~~~~~~~~~~~~~~~~~~~~~~~~~~~~~~~

««بين فنايا الظلمات»»

للكاتبه: انستازيا العراقيه
لاتنسون التصويت حُب

-------------------------------------------------------------

:لاتسال ع الحال خليه سكته!
تسال على الكتال والكاتل انته
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡

فتحلي باب الصدر صعدت وخليت الغراض بالكشن الوره وهوه صعد يسوق

بس ما راح بطريق بيت عمي لا راح لغير طريق وما عرفت وين رايحين خفت كلش وملامحه تغيرت

هلال: وين ماخذني؟
ابتسم ببرود وباوعلي بنضره لعوبه حقيره
امين: اخطفج واغتصبچ

اخترعت اتهسترت اضرب بيه واريد افتح باب السياره وهيه تمشي بسرعه واذب نفسي اعرف راح اموت بس ما اريد يصير هذا الشىء بس جانت مقفوله امين بمثابه صديق هوه اول شخص بديت احن اله واألف وجوده هيج يشوفني بنضره وصخه ويريد يتعرضلي وينتهگ حرمه غيره شلوننن!!!!!!؟؟؟؟

يباوعلي بجديه متت خوف گلبي طاح الا شويه وهوه بس يريد يهَديني اسمعه يحچي واني فاقده اصرخ واضرب بيه چنه راح نسوي حادث الا شويه بالگوه وگف السياره وحط ايده على حلگي وگال

امين: بسچ بويه بسچ اشاقه وياچ ورب العرش العظيم
هلال: لا لا... لا لا ......... راح تأذيني فدوه عوفي اتركني الله يوفقك حباب فدوه

امين: ولچ اچذب عليچ شقه والله شقه مخبل أذيچ
هيج شايفتني بدون رجوله حتى اتعرضلج؟
هلال: اتركنيييييي

اخذ بطل مي وفتح الباب يريد يجي يفتح الباب مالتي ويذب عليه مي انتهزت الفرصه وفتحت الباب ونهزمت صرت اركض واركض بسرعه وخوف بدون لا ادير وجهي واشوفه جان شارع عام گلت اذا قرب عليه اذب نفسي واخلي سياره تدعمني اموت ولا انمَس ويروح شرفي.

عندي تسارع وحالتي الصحيه تعبانه كلش بس من امشي هواي ابقى الهث واحس كلبي يريد يوگف شحالي واني هسه اركض بأسرع ما عندي نخطف لوني وشفتي بس ترجف وفاتحه حلگي وبصعوبه اجر النفس واحس گلبي شويه ويوكف رجليه ورَمت من الركض وراسي يريد ينفجر

ركضت مسافه بعيده وبسرعه وهوه يلحگني وگفت شويه بس اشم هوا من شفته قرب رجعت اركض وابچي واعيط اريد احد ينقذني

صار قريب عليه كلش وگفت ركض وجنت راح ارمي نفسي للطريق خاطر سياره تدعمني.

بس اجهه هوه وسحبني اله صار ضهري على صدره مباشره لزمني يهدأ بيه بس اني لا حياه لمن تنادي من كل عقلي صدگته بقيت ابچي وادفع بيه هوه ارتبك حيل من شاف وضعي ماتوقع توصل لهذا الحد.