بين فنايا الظلمات

البارت الرابع

بسم الله الرحمن الرحيم

قبل البدء طيبوا افواهئكم بالصلاه على سيد الخلق محمد وعلى آله الطيبين الطاهرين وعجل لولبه الفرج

استغفر الله
سبحان الله
الحمد الله
لا الله الا الله

"" "" "" "" "" "" "" "" "" "" "" "" """ "" ""

بين فنايا الظلمات

الكاتبة: انستازيا العراقية

..................................

:بآجٰࢪ تندم وٰتشتآق
_وٰتحسَب آنانيتك...
_وين تلڪه انسان مثلي.
_يتحمل مࢪ࣪اجٰيتك_

ـــــــــــــــــــــــــــــــــــــــــــــــــــــــــــــــــــــــــــــــــــ

جاي ادرس رياضيات كلش صعب واكرهه اموت منه ومسطوره سطر

سمعت صوت بابا بالصاله يحجي عن بيبي بسرعه نزلت هاي الغاليه العزيزة الربتني وما انسى افضالها عليه بيوم الذبتني امي واني بالگماط وابوي عافني وتركني هيه الوحيده يلي رادتني وربتني وتعبت عليه

سوده بوجهي تعبانه خطيه واصله للموت يكولون

تمنيت لو عشت عمري كله يمها بس لان هيه عايشه ببيت عمي غسان ما اروحلها ما شفتها صارلي 10 سنين اتحسر على شوفتها حسبي الله ونعم الوكيل حقنا برگبتهم ان شاء الله دمرونا المايخافون الله

عادل: راح نروح للبيبيتكم اليوم هلال تجين ويانا؟؟
هلال: ما ادري
عادل: اذا انتي ماتدرين خالتي التدري؟؟؟؟

هلال: لا مو قصدي،،، انتـَ  تعرف الوضع وليش مااروحلهم
فاطمه: اهووو شكد حقوده سالفه صارلها 10 سنين ما ناسيتها حتى احنا نسيناها

رفعت راسي وباوعتلها وگلت

هلال: لا اني مو حقوده بس اني ما انسى الاذية واذوني بأيدي التوجعني ودمروني تمام

غمتني فاطمه وراحت لغرفتها

عادل: ببببتج مودعه بابا راح تموت هاي اخر فرصه الچ حتى تلتقين بيها قبل لا نشيعها
هلال: اسمله بابا لا تحچي هيج فدوه لا تفاول عليها

عادل: شنو افاول عليها بت القندره مره جبيره عجوز عبرت الـ 90 سنه خل تروح ترتاح واحنا هم نرتاح منها
وانتي بعد سيده الموقف تريدين تروحين لو ما تريدن يطبچ مررض

رحت لغرفتي وبقيت ابچي اختنگت من البچي رويحتي الغاليه مريضه وتعبانه وتريد تموت كون اني اموت ببدالها من عمري على عمرها.

اوفففف با ربي بيبي الحنينه تتعب وهذوله السفله مرتاحيننن ليش يا الله ليش

ليش الفقير والطيب تدوس عليه الدنيا وتتعبه والموزين والخبيث مرتاح دوم وفرحان وما شايفين لوعات الدنيا