بين فنايا الظلمات

البارت الثامن و ثلاثون

بسم الله الرحمن الرحيم
اللهم صلِّ على محمد وعلى آله الطيبين الطاهرين
الحمد الله
استغفر الله
استغفر الله
الله اكبر
سبحان الله
لا اله الا الله

               ༺ཌ༈༈ད༻:::::::::: ༺ཌ༈༈ད༻

هلال.......

خلصت الامتحانات و طلعت نتيجتيي جنت كلش فرحانه بنجاحيي و من المتفوقين هم..

جنت اكوي بقميصيي والتلفون على اذني احجي وي فاطمه.

فاطمه: مشتاقيلج خايبه.

هلال: منج من الله؟

فاطمه: امداج.

هلال: خاف تريدين اكربلج مثل قبل؟

فاطمه: ايي والله ايام العزز جنتي البيت شايلته كله واني شعرايه ماشيل.

هلال: هههي حبي ذيج هلال القديمه هاي هلال الجديده تجيي تگرب بيج البيت وحق هوه علي.

فاطمه: سديي حلكج صايره فرد نوبب.

جنت احجي وياها وفجاه دخل خالد باوعتله جان توه راجع من السفر و تعبان غلقت الخط من فاطمه و تقدمت اخذت من ايده علاليگ و جنط بدون سلام و كلام كلش جنت ضايجه منه وشايله بكلبي منه.

اخذت الجنط و ضميتهن بالكنتور و طلعتله خاولي و تراك وهو جان واكف و متجيي على ميز المرايه ويباوعلي بعتب.

عفته و ردت اطلع من الغرفه لو لا هوه حاوط خصريي بأديه و دفن راسه برگبتيي رعشه لزمتني من راسي لجدمي ماعرف شسويي ابعده لو ابقى اريد احجي بس اتلعثم بالكلام.

هلال: اااااااااا ءءء خا خا خالد ااا.

خالد: اشش محتاجج هسه اكثر من اي لحظه.

بقيت على هذا الحال هيج دقايق الى ان دارني عليه وحضني بقوه بحضنه حسيت شويه وراح ادخل لاحشائه بكد ما جان مچلب بيه.

بسرعه فلتت من قبضته و طلعت بره الغرفه ورحت بره الغرفه الهثث ولازمه گلبي بايدي ماعرفت شنو مشاعري ساعتها نزلت جوه جانت بدريه گاعده هيه و لؤلؤه اول مشافتني بدريه حجت.

بدريه: شوكت لحگتوا تكملون.

تحجي و تخزرني من فوگ لجوه ما فهمت قصدها بس من عصبيه خاله لؤلؤه عرفت قصدها واستحيت كلش.

لؤلؤه: بدددرررييه.

بدريه: خاب هشش العب وياج طوبه حتى هيج تحاجيني.

لؤلؤه: هفف Oh my God.

بدريه: نلصمي نلصميي سديي حلكج صايره غثه الملحده اليهوديه المسيحيه.

لؤلؤه: انيي مسلمه بدووديي.

بدريه: انتِ الصفره لزميها عنيي لا اجيي هسه اجرم بيها.

سمر: هيييي.

بدريه: ادري احير باليهوديه لو بهاي البر***، ادري منين لگوجن وجابوجن فوك راسي.