بين فنايا الظلمات

البارت السادس والثلاثون

بسم الله الرحمان الرحيم....

اللهم صل وسلم وبارك على سيدنا ونبينا وحبيبنا محمد وعلى آله الطيبين الطاهرين وعجل لوليه الفرج ✨🦋.

استغفر الله

الحمد الله

الله اكبر

سبحان الله

༺ཌ༈༈ད༻༺ཌ༈༈ད༻༺ཌ༈༈ད༻༺ཌ༈༈ད༻

انستازيا العراقيه......

بين فنايا الظلمات.....

الباࢪت: 36......

انترڪ بس ابقه بمڪاني اتعافه
الوطن ميسافر لواحـد عافة..!...

.........................................

غصن............

يوم عن يوم ينغرس وجع فقدان ابوي بگلبيي و ينطبع بعقلي اكثر من مره طول الوقت افكر بيه وصرت احاول اشغل نفسي بغير شى بس حتى ألتهيي و انساه بس مااگدر بكل شى اتذكره و بكل مكان اشوفه و كأنما عيني نخلقت بس حتى تشوفه هوه بس.

كثرت بهاي الفتره روحاتي لبيت عمتي نور صح ما احبها واكرها و غثه لكن احب بناتها اسيا و علياء لطيفات كلش و زينات و جنت احب اختلط وياهن صح اكثر وقتي و ياهن عرايگ و مشاكل و دائما ارزلهن لو اسكت وهنه يحجن بس ابقى احب الگعده وياهن والاختلاط وياهن احب اشوف حياتهن واسمع ضكاتهن و افتهم اهتماماتهن واتمنى اكون بمكانهن او مثلهن.

هواي اوقات بحياتي اشوف العدهن خوات و احسدهن على نعمة الاخت الصالحة جانت عندي اخت بس خل اگول جانت لان بنظري ماتت من اللحظه التبرت بيها منا و عافتنا و راحت ركض وراء زوجها و عافتني و حدي اتحمل مسؤولية كل شى واعيش اهلي وحدي واتحمل عباس و ضيمع و ظلايمه لسنين وحتى لفاتحه ابوي الجانت اكثر لحظه محتاجتها بيها ما قبلت تجيي والله لان زوجها ما تكدر تعوفه وحده تخاف عليه........

اسيا: حوراء وين؟

نور: نايمه.

اسيا: و طمره بتها هلال لعبت لعب بمكياجي.

نور: افف شسوت.

اسيا: شنو الماسوت گلبته كلاب.

غصن: احسن حتى بعد ما تعيدها.

اسيا: خاب غصن الكريم مشتريته بـ 50 الف والواقي 25 الف و مطشرته بالميز خوو الحمره مأخذتها وبالخصم انتظرت و طاحنتها.

غصن: كل هاي الفلوس ذابتها على اشياء مالها فائده.

اسيا: شلون مالها فائده خاب سكتي ما تفهمين..

غصن: عدلي اسلوبج ولج لا اجيج بالمكناسة.

نور: شبيج غصن.

اسيا: عوفيها ماما نشاقه اني وياها.