بين فنايا الظلمات

البارت السابع

    بسم الله الرحمن الرحيم

قبل البدء طيبوا افواهئكم بالصلاه على محمد وعلى آله الطيبين الطاهرين وعجل لوليه الفرج

سبحان الله
الله اكبر
الحمد الله
استغفر الله
،،،،،،،،،،،،،،،،،،،،،،،،،،،،،،،،،،،،،،،،
بين فنايا الظلمات
الكاتبه: انستازيا العراقيه
البارت السابع
لا تنسون التصويت حُب
•••••••••••••••••••••••••••••••••••••••••••••••••

:مـو تـعـودنـي عـلـيـك
وتـمـشـي مـنـي
خـل أگـلـك كـلـ شـي
عـنـي انـي طـيـب
مـا أنـام مـن أسـمـع
حـچـايـة تـغـثـنـي
♕♕♕♕♕♕♕♕♕♕♕♕♕♕♕♕♕♕♕♕

انقبض گلبي بعد ماشفت حسنين طفل صغير البـ عمره
عايشين بحنان امهم وابوهم وبدفوء بيتهم مو مثله مشردين بالشوارع

والاكثر داهيه ابوه قاتل امه وامه متوفيه وعايش بالشوارع النذل الاب البل اسم ذاب ضناه بالشارع

حسبي الله ونعم الوكيل

شحلاته طفل مثل الورد ليش هيج يصير وياه؟

تقريبا عمره ست سنين او خمسه ادارة الدار گالوا راح يتواصلون وين الامن وحيشوفون همه شغلهم والسنه انتهت مبقى بيها شي السنه الجايه يتسچل بالمدرسه

واني ان شاء الله ما اگطع بيه اروحله كل ما افرغ اهم شي هوه هسه مو بالشارع

رجعت لبيت عمي غسان دخلت البيت صاير هوسه مسويين قرايه ناس داخله وناس طالعه اجن اربع ملالي يقرن شويه وگامت عمه زهور تقره بالمجلس.

جدي ابو ابويه صوته كلش حلو وچان قارئ قران بجامع چبير وهم هوه مَله  يسويي مجالس لابا عبد الله سلام الله عليه

وورثوا صوته بابا وعمه نجلاء وحتى اني صوتي حلو بس بابا صوته نفس صوت جدو بالضبط

بدت تقرله بس هيه القرت ونعت من گلبها بقيت ابچي واخرمش وجهي وزلغت خدودي حتى دم طلع منهن بقيت الطم والطم

الى ان طحت من طولي فقدت اغمى عليه بالمجلس

فتحت عيني واني ببيت مو بيتنا ولا بيت عمي غسان ماعرفت اني وين خفت خفق گلبي كلت بس لا خطفني امين لو بس لا خطفني حمزه الف فكره وفكره اجت ببالي.

بالكوه رفعت راسي من الچربايه وگفت بنص الغرفه اني بمكان مو غريب جايه لهنا من قبل راسي يوجعني واحس طبول تندك بمخيي فتحت الباب وطلعت من الغرفه.

تذكرت المكان هذا بيت عمي ابو دعاء بس هاي الغرفه البيها اني ماداخله الها هواي فلهذا ماعرفت اني وين بالبدايه بالگوه اسحل بروحي سحل نزلت جوه