بسم الله الرحمن الرحيم
قبل البدء طيبوا افواهئكم بالصلاه على محمد وعلى آله الطيبين الطاهرين وعجل لوليه الفرج
الحمد الله
سبحان الله
استغفر الله
لا الله الا الله
ـــــــــــــــــــ
بين فنايا الظلمات
البارت العشرين
للكاتبه: انستازيا العراقيه
ــــــــــــــــــــــــــــــــــــــــــــــ
حَسبالي صدگ وتطلع تحبني
ثاريني مثل الورد بس اذبل تذبنيِ
🦋🌜
..............
على الغده حجت امي عن السفره
بدريه: تونستوا بالمزرعه
هاجر: اي الحمد الله
بدريه: اشتهيت اروح وياكم بس المرض والكبر هدن حيلي وما كدرت اروح نمت بالفراش ما اتحمل سفر .
هاجر: الونسه ما كملت بدونج
بدريه:انه اتونس من تتونسون يمه
هاجر: تونسنا الحمد الله
بدريه: اي يمه كلكم شباب صغار والمكان حلو وطولتوا
سمر: خوش دحتوا ما فوگاكم واحد
خليت الخاشوكه بالصحن وضبيت اديه اباوعلها وانه مخنزره
هاجر: شعليج؟
سمر: معليه بس اكول دياحه سيح لا حسيب ولا رقيب
هاجر: منو تريدين يراقبني عشتو انتي؟
سمر: وين احجي وانتي وين تحجين يحضي
هاجر : راقبي نفسج لا تدخلين بما لا يعنيج
سمر: عندي زوج مراقبني ما احتاج شوفي نفسج انتي
هاجر: وانه عندي قندره تلوگ لوجهج المفرگع.
تخبلت هيه سميره الحقيره وراحت تصيح حسين عود يابه اختك تحجي عليه وكذا وهوه ما قصر اجه فزاعه.
حسين: هاجر احترمي شويه خطيه سمر حامل
هاجر: شبيها الحامل؟
حسين: على كيفج وياها هرموناتها وتتعب وصحتها مو تمام واوجاع الحمل خطيه شايله طفل المسكينه تعرفين بعد مشاكل وصعوبه الحمل
هاجر: ههه ماحصلي الشرف اجرب هاي التجربه المحزنه.
حسين: كااافي لا طلعوني عن طوري
هاجر: اسكت انتَ لا احجي تهاونك بالشغل لابوي وهوه يعدل طورك مو تشوفني ساكته تجي هسه وتقل احترام وتتجاوز عليه .
عافي وراح طلع بره.
...........
كاعده اليوم متأخره بسرعه ركض بدلت وغسلت اروح للشغل محمد بره وبس يدك هورن رحت ركض والحذاء بأيد و الملفات واللفه والجنطه بأيد اركض اله وصلت انفجرت معصبه بوجهه.
هاجر: شبيك شبيك محمددد من صباحيه الله شبييك
محمد: شنو؟
هاجر: خبصتنا بهورناتك.
محمد: مو تأخرتي ردتج تطلعين
هاجر: لاتبرر فدوه جنت تكدر تخابرني لو تدخل تصيحني لو تستنكف حضرتك.
صرت مثل قنينه الغاز بس اتنفس وانفخ وعيني على الطريق وصلت متأخره للشركه.
الموظفين يتراكضون بالممرات التلفونات ترن الاوراق والملفات مرميه على المكاتب وجوه جديده كل يوم شكل ريحه القهوه والچاي التارسه كل زوايا المكان .
أنت تقرأ
بين فنايا الظلمات
ChickLitبين فنايا الظلمات بين فنايا ظلمات الحياة ولوعات القلب وامواج الحياة ورياحها التي تعصف بينا الى حيث لا نريد والعاب القدر تلك الحياة الظالمه التي تختار الفقير والمسكين لتذوقهة من كأس الغدر والخيانه والحزن وتشبعة الهموم وتغنيه بالحزن والالم وتسلط عليه...
