بسم الله الرحمن الرحيم
الحمد الله
استغفࢪ الله
الحمد الله
اللهم صلِّ و سلم على محمد وعلى آله الطيبين الطاهرين وعجل لوليه الفرج.
°°°°°°°°°°°°°°°°°
واجه الـ حبني وما حبيته وأجه الـ يهتم بروحي
وگـتله ماࢪيدك
شلون اتخطى تعويدك..
((حبچبچياتي ما وصيكم بالتصويت بعد روحي.)) 🔥🔥.
انستازيا العراقيه 💋🫶🏼
((☝☝☝ و لكم خاطر انفخ ريشاتي))
♕♕♕♕♕♕♕♕♕♕♕♕♕♕♕♕♕♕♕♕♕♕
بشرى.....
گعدت الصبح من وقت عادل يجي بالاسبوع كم مره بس على گد يجيب مسواگ ويطبخ اكل يكفيني كم يوم و من شفت روحي مثگله عليه بديت اراوس ويه اتعلم منه الطبخ وهوه جابلي اجنده دفتر جلد اسود و اكتب بيه وصفات الاكل و لو تصيب لو تخيب.
غسلت وجهيي و رحت للمطبخ اتريگ طلعتلي خبزه من المجمده حميتها على الطباخ و طلعت علبه گيمر (قشطه) ورشيت عليها شگر و لفيتها ويه كوب چاي حار ورحت گعدت على القنفه اكل.
صايره مالي خلگ ونفسيه حيل من الحمل و اتحسس و قبل كم يوم رحت ويه عادل للطبيب و بالسونار عرفت حامل ببنيه هواي فرحت بيها بس خفت عليها لا تعيش وتكبر مثلي اريدها تكبر قويه جسره تواجه الحياره بشجاعه و بمتانه.
مسحت على بطني و عود ردت اكوم اغسل الصاله بس نمت بمكاني وانا توني گاعده اخخ يالحمل خمول مو طبيعيي وتعب.
سمعت دگات الباب بقوه خفت حيل منو هذا اليدگ الباب هيج؟؟
رحت وره الباب قبل لا افتحه گلت منو واجه صوت اني ولج فتحي الباب تكسرت رجليناتي من الوگفه يمدهوره.
عرفتها فتحت باب الشقه و دخلتها گبل ركض للمطبخ راحت سيده بدون سلام لو أذن طگني شرجيي بقيت وره الباب فاتحته وواگفه اجت و صفنت بوجهي دفعتني و سدت الباب بقوه وراحت گعدت رجل فوگ رجل على القنفه
خزرتها يحح هاي شو هواي مأخذه راحتها تگول بيت الخلفوها باوعتلي و گالت بصوت.
نور: خيه متانيه صويحبج يطب من الباب.
صحيت على زماني و سديت الباب و حجيت بعصبيه.
بشرى: شنو هذا الحجي عيب تره شنو صاحب و شنو هذا الاسلوب تره ما اسمحلج.
نور: أيييبباخخخخخ لا تگوليهاا فدوه.
بشرى: اي.
نور: أول شغله يعيني هاي شقه اخوي عااادل اني الداخله وانتِ الطالعه فـ ما يحقلج تحاسبيني هنا لو بره فهمتيي!!؟
أنت تقرأ
بين فنايا الظلمات
ChickLitبين فنايا الظلمات بين فنايا ظلمات الحياة ولوعات القلب وامواج الحياة ورياحها التي تعصف بينا الى حيث لا نريد والعاب القدر تلك الحياة الظالمه التي تختار الفقير والمسكين لتذوقهة من كأس الغدر والخيانه والحزن وتشبعة الهموم وتغنيه بالحزن والالم وتسلط عليه...
