بسم الله الرحمن الرحيم
قبل البدء طيبوا افواهئكم بالصلاه على محمد وعلى آله الطيبين الطاهرين وعجل لوليه الفرج..
الحمد الله
استغفر الله
الله اكبر
سبحان الله ♥
......
بين فنايا الظلمات
الكاتبه: انستازيا العراقيه
البارت: التاسع عشر.
꧁꧁꧁꧁꧁꧁꧂꧂꧂꧂꧂꧂
غصن:..
شمس حاره حيل تحركني كلش مسحونه روحي ومبهوته شابه وبعمر الورد بس اني غصن يابس بلايه ورد.
احسب فلوس بأديه لو يكفن لو ما يكفن انخه الله واهل البيت كون يكفن منين اجيب بحسره الفلس ضاله ادور الربع بروح ابخل على نفسي بس علمود ابويه واخويه حياتي ضيم وضلايم بس الحسره ساكنتني.
عائلتي متفككه امي توفت بين اديه بابا رجال جبير بالعمر كلش و مريض وصحته معلوله بالكوه يجر النفس عندي اخوان ثلاثه ثنين اكبر مني بس حتى الحيوانات احسن واشرف منهم الجبيره متزوجه وراح تعبد زوجها الا شويه مگاطعتنا وما تجي بس من تتعارك ويه زوجها يذبها عليه .
الثاني الظالم الكافر الحقيرر أذيه حياتي المدمرنا كلنا الضيم البليه والبلاء.
عندي اخ ثاني طفل وبلاصح ابني مو اخوي ربيته بأديه وتعبت عليه وسهرت الليل لراحته رويحتي من الدنيا فرحتي بضحكته مريض بالقلب وفوگاها مريض بمتلازمه داون.
وصلت للصيدليه دخلت
غصن: السلام عليكم عمو
_وعليكم السلام بابا.
غصن: دكتور هاي الراچيته انطيني الدوه البيها مكتوب ومن هذا هم.
فتحت الجنطه طلعت شيشه وشريطين دوه وانطيتهنياه
غصن: شكد يصير الحساب
_ 245الف
غصن: كول غيرها
_ هو هيج السعر تريدين ابلاش انطي؟؟
غصن: وين تنطي ببلاش ما بيكم زلمه شريف
_ احترمي نفسج برعه
غصن: شدعوه هوه ذهب هذا علاج لمريض معلول حاله صحيه انسانيه.
_ اطلعي بره ما نبيع لمگاديه
غصن: ميشرفني اشتري من قفاصه نصابين 56
_تأدبي ما مربايه
غصن: دوليي لا اجي ولحمزه ابو حزامين اربيك واربي الخلفوك.
طلعت اروح لغير صيدليه شكد كذاب ونصاب يزيدون اسعار الادويه ما يخافون الله ولا يتقونه بفقير.
وصلت لصيدليه اول مره اجيلها كلت بلكت تطلع زينه دخلت جان بيها شاب ماشفت وجهه طويل ضخم شكله يخوف من وره.
ومره جبيره بالعمر واكفه وبيدها طفل زغير.
تقدمت للصيدلانيه.
غصن: السلام عليكم.
_وعليكم السلام. فتحت الجنطه طلعت الشيشه وشريط الحبوب والراچيته قدمتهن الها تبيعلي مثلهن.
أنت تقرأ
بين فنايا الظلمات
ChickLitبين فنايا الظلمات بين فنايا ظلمات الحياة ولوعات القلب وامواج الحياة ورياحها التي تعصف بينا الى حيث لا نريد والعاب القدر تلك الحياة الظالمه التي تختار الفقير والمسكين لتذوقهة من كأس الغدر والخيانه والحزن وتشبعة الهموم وتغنيه بالحزن والالم وتسلط عليه...
