Chapter 214
ကျန်းရှင်းက အများကောင်းကျိုးအတွက်တစ်စုံတစ်ခုပြုလုပ်လိုသည်မှာ အတော်လေးရှားပါးလေသသည်။ သို့သော် တစ်ယောက်ယောက်သည် သူရှေ့မှ လက်ဦးမှုရယူသွားခဲ့သည်။
"ရှောင်မန်က ကလေးပဲရှိသေးတာ...လူကြီးတွေရဲ့ကိစ္စကိုနားမလည်ရင်မပြောရဘူး...ပြီးတော့ သမီးဦးလေးအပြင် ဘယ်သူက ကစားကွင်းဆောက်လှူဖို့စိတ်ဝင်စားမှာမို့လို့လဲ.."
ကျန်းရှင်းက ထိုသို့ပြောပြီးနောက် အနီးအနားရှိတစ်စုံတစ်ဦးအား သတိရသွားလေသည်။ ထိုသူမှာ အခြားမဟုတ်ပဲ ယွီဝမ်ချန်းသာဖြစ်သည်။
ဤဖြစ်နိုင်ချေအားတွေးမိသောအခါ ကျန်းရှင်းသည် စိတ်ဆိုးခြင်းမရှိတော့ချေ။ မိသားစုနှစ်ခုသည် အလွန်ရင်းနှီးကြသည်။ အကယ်၍ယွီဝမ်ချန်းသာ လှူဒါန်းခြင်းဖြစ်လျှင် သူသည်ဆုမွန်ကောင်းပင်တောင်းပေးနိုင်သည်။
ကျန်းရှောင်မန်သည် ခေါင်းကိုခါလိုက်ရင်း..
"မဟုတ်ဘူး...အဲ့တာကျောင်းသားဟောင်းတဲ့.."
"ဘယ်ကကျောင်းသားဟောင်းလဲ...ကလေးအုပ်စုက ဘယ်လိုလုပ်လှူနိုင်မှာလဲ.."
"ကျောင်းကနေဘွဲ့ရသွားတဲ့ ကျောင်းသားဟောင်းတဲ့...ကျောင်းအုပ်ဆရာကြီးက သူ့ကိုအရမ်းတော်တယ်ဆိုပြီး ခဏခဏချီးကျူးတယ်...ကြော်ငြာသင်ပုန်းမှာတောင် သူ့အတွက်သီးသန့် စာကပ်ပေးထားတယ်လေ..."
ကျန်းရှင်းက တူမဖြစ်သူ၏ရှင်းပြချက်ကိုကြားပြီးနောက် ပါးစပ်ပိတ်သွားသည်။
သူလည်းရွာကကျောင်းကို တစ်ခုခုလှူရရင်ကောင်းမလား...ဘာပဲဖြစ်ဖြစ် သူကရွာကျောင်းရဲ့ကျောင်းသားဟောင်းလေ...
"အလှူရှင်နာမည်က ဘယ်သူတဲ့လဲ.."
"လျန့်ယွမ်ချင်း...ဒီလိုမျိုးရေးတာလေ..."
ကျန်းရှောင်မန်သည် ကြော်ငြာသင်ပုန်းတွင်မြင်ခဲ့ရသောနာမည်ကို ရေးပြလိုက်သည်။
ကျန်းရှင်း၏မျက်နှာ ပျက်ယွင်းသွားသည်။ သူထိုနာမည်အား သိလေသည်။
အဲ့ဒီ့ကောင်လေးမဟုတ်လား...ဇနီးရဲ့ငွေကြေးနောက်ခံကိုသုံးပြီး သူ့လုပ်ငန်းကိုဖိနှိပ်ချင်ခဲ့တာလေ...သူဌေးယွီနဲ့တူတူလက်တွဲပြီး ကျန်းရှင်းအနိုင်ပိုင်းလိုက်တဲ့ ကောင်လေးပေါ့...
YOU ARE READING
အတွဲ(၂) ဗီလိန်ဇာတ်ညွှန်းကိုဖြဲပစ်မယ်(ကျန်းရှောင်မန်)
General Fictionအပိုင်း၁၉၂ကိုဒီက နေဖတ်ပေးကြပါနော် အပိုင်း၂၀၁ကနေစပါမယ်နော် LittleLittle one tears the villain's script ဗီလိန်ဇာတ်ညွှန်းကိုဖြဲပစ်မယ်
