على خطى قلبي

البارت السادس

على خطى قلبي..

للكاتبة هند النعيمي..

البارت السادس

حبايبي أتمنى التفاعل يكون اكثر وعلقوا بين الفقرات، بتعليقاتكم البارت يكون احلى.. واذا حبيتوها للرواية انشروها.. لتنسون التصويت  🤍

لينا...

طبعا بهالفترة كل وقتي بالجامعة قليل تصير أشياء گدامي بالبيت لأن أرجع بالستة أغسل وأبدل وأنزل آكل وأنام .. اليوم من رجعت للبيت گالتلي ماما ولچ متدرين؟

- بشنوووو؟؟!!

ماما:- اخوچ راح يروحون الخميس ويخطبولة...

- الله عليييييچ!! نفسها شهد!!! شلووون؟؟ مو علساس ابوها ميقبل؟؟؟

ماما:- اخوانچ مدبريها  دازين جماعة عليه مدري شلون..

- الله وأخيرا راح يصير عدنة عرس واني اخت العريس.. اسمعي من هسة كل نهاية أسبوع اروح للسوگ حتى اشتري أشياء زينة ونادرةةة يعني متتحصل بسهولة...

ماما:- خلي يخطب بالاول والله كريم...

اليوم بابا جابني من الدوام لان فراس بالشغل وية فارس خابرت على فراس:- بسيطةةة آني اعلمك تخطب وآني اخر من يعلم مو؟ حرامات التعب بيك والله.. مووو صوووچك صوچ اللي ضحت بحياتها وخابرت ذاك اليوم وحچت وية ابوهااا علمودك.. ميغزر بيك والله.. بسيطةةة.. وترةةة هااا آني زعلانة خاف تجي وتلگاني بغرفتي يعني زعلانة ومااريد اشوفك ولتجي علية...

سمعتة ديريد يحچي وسديتة بوجهة وضحكت اكلت شوية وصعدت اكمل دراسة.. صارت الساعة ب ٨ وسمعت الباب يدگ گلت:- منو؟؟

فراس:- آني...

- مشغولةة...

فتح الباب وفات بيدة علاگة مليانة حلويات وحب وچباسة وازبري من هذا الكوب الجامد احبة اكثر من العادي وگال:- عيني يالزعلان علكيفك ويانة.. تريديين؟؟

- شنو هاي جاي ترضيني بحب وچباسة؟؟

فراس:- هذا الموجود.. ما عندي غيرهن...

- احلف عليك مو انت اللي جبتهن، فارس گلك...

فراس:- آني وياه واحد هااچ.. اكلي وادعيلي ولتحطين عينچ وراية خل اخطب مثل الاوادم...

- فوگاهاااا.. بابا انت منو مفهمك الاعتذار هيچ يكون؟؟

فراس:- هذا الموجود عندي...

- خل الحگ على شهد گبل متوافق عليك.. اگلها ترة من تزعلين ارضي وحدچ احسنلچ لان متحصلين منة شي هذااا...

فراس:- شمدريچ متحصل؟! قابل هي لينااا!!!

- بعدك ما تزوجت وبعتني.. بعدك ماخطبت حتى...