على خطى قلبي

البارت السابع

على خطى قلبي..

للكاتبة هند النعيمي..

البارت السابع

حبايبي أتمنى التفاعل يكون اكثر و علقوا بين الفقرات، بتعليقاتكم البارت يكون احلى.. و لتنسون التصويت  🤍

لينا...

جدة حيل تأثرت، من وگعت ركضنة عليها اني ومصطفى وابوية.. شالها مصطفى وگعدها عالتخم ركضت جبتلها مي متقبل تشرب اباوع لامي موتت روحها من البچي، راحت عيني على فراس واگف بالباب وصافن علينة وفاتح عيونة مثل المصدوم.. شوية وشافتة جدة گالتلة:- جدةةة شلون تجي واخوك مو وياااك؟!! ليش ما دورتة ولكم خاف واگع وواحد شالة و اخذة للمستشفى.. دورتوا بالمستشفيات؟؟

بابا:- يمةة علكيفچ هسة نلگاه وين يروح.. فدوة علكيفچ...

اخذ المي غسللها وجهها ورة شوية انتبهت لفراس خشمة ديذب دم هواي وواگف صنم ولا يتحرك صحت بدون وعي:- فراااااس...

وركضت عليه اجة مصطفى وابوية سندوه وگعدوه عالتخم ابوية يصيح:- يابة شجاكم آني احير بالولد وين راح لو بيكم؟؟ صدگ چذب!!! وين انطي وجهي؟!

مصطفى:- ما بي شي يابة بس ضغطة.. هسة شوية ويصير زين.. ما بي شي...

صدگ شوية وصحى وعى على نفسة بس الصدمة لهسة مبينة بوجهة وساكت ما نطق حرف.. چانت اصعب ليلة تمر علينة آني دموعي تجري وما حاسة بروحي.. مندري بي مخطوف، متخربط منعرف بشنو نفكر لو شنسوي.. الكل گاعد بالهول للصبح وجدة بس تصلي وتدعي لما تعبت وفرشتلها فراشها بالهول لان متقبل تنام بغرفتها..

صارت بالستة الصبح دگ تلفون بابا فزينة كلنا باوع للتلفون مكتوب بس رقم امي گالتلة:- افتح خاف هو لو مخابر من احد..اريد اسمع...

فتح الخط والسماعة گال:- الوو...

:- أبو عبدالرحمن مو؟

استغربنا وگال بابا:- أي آني...

:- ابنك عدنة اذا تريدة سالم ويرجعلك بخير خلي عبدالرحمن يرجعلنة فلوسنة اللي باگهن وشرد بيهن...

بابا بارتباك:- شنووو!! ياابن؟؟ شنو باگ!!!

:- خوش والله الظاهر العائلة كلها نايمة ورجليها بالشمس.. هذا اليمي هم ميدري عن شي.. من الاخيييير عبدالرحمن ابنك نصب علينا و باگ فلوس البضاعة وشرد بيهن واذا ميرجعهن بكيفكم بعد و هذا ابنك الثاني بين ايدينة وتعرف شنگدر نسويلة...

بابا:-  فارس يمك خاطفةة؟ زين گلي وينك هسة اجيك.. شگد رايد؟؟

:- رايد عبدالرحمن هو والفلوس عندي حساب ثگيل وياه ولازم اصفي.. اذا تجيبة تاخذ هذا بدالة.. متجيبة اقرة الفاتحة على هذاا...

سمعنة صرخة فارس مدري شسوولة گال بابا:- ياااا ....... لك آخر يوم بحياتكم اذا تمسون شعرة منةةة.. آخرررر يوووم...