على خطى قلبي..
للكاتبة هند النعيمي..
البارت الواحد و العشرون
حبايبي أتمنى التفاعل يكون اكثر و علقوا بين الفقرات، بتعليقاتكم البارت يكون احلى.. و لتنسون التصويت 🤍
شهد...
أمير حيل مونسني، غير علية حياتي كلهة، گمت احس بشعور الامومة واهلنة شگد تعبوا علينة، وبعد وبعد ادري بروحي لهسة ما شفت ربع اللي شافوه وعاشوه حتى يكبرونة بس بديت احس بيهم، صح اتعب مرات لان بالليل مينام كلش يعذبني، بس الحمدلله اهم شي صحتة زينة وماكو مشاكل مااريد غير شي، اول مااجة أسبوع كامل مننام لا آني ولا فراس، خطية هواي ساعدني، يشيلة ويسكتة ويتمشى بي بحيث يجيبلي إياه نايم، بس وراها گام يتعب لان يطلع الصبح ما نايم غير ساعة لو ساعتين، كلش گام يتعب، بحيث بالليل من يبچي امير ميحس عليه، اگعد واحاول اسكتة والعبة واحچي وياه، وفراس ابد مو يمي ناييييم بسابع حلم، اليوم چنت گاعدة بغرفتي ورة الغدة وامير چان نايم دگ تلفوني فتحت الخط:- هلوو سمر...
سمر:- يابةةة ترة افتهمنة عود صايرة ام ومشغولة...
- لچ سمر والله تعبااانة، حتى نوم مدااگدر انام، النوب هسة هو نايم غير اناااام!! مدااگدر...
سمر:- والله حبيبتي صوچچ، شو الولد ونايم، الخلل بيچ انتي متنامين وتصيحين من وراه...
- اييي مو هية ادوس دگمة وانام شوكت ما چااان...
سمر:- هسة معلينة، شلونكم الاخبار...
- شلوننة قابل؟ كلهم زينين الحمدلله، انتي شلونچ؟ مصطفى شلونة ويااچ؟
سمر:- يمةةة منة يمةةة، بس عوفي براحتة ياكلچ ويشربچ...
- مصطفى؟!! لااا ترةة فقييير...
سمر:- ام الفقيير قابل تعرفي بگدييي؟!!!!
- شوفي هو عامة ولد محمد ما بيهم فقير، حتى التشوفي فقير يطلع بلوة من جوة لجوة، وانتي دگيتي رجلچ الة تاخذين واحد من اخوتة لفراس واجاچ الصغير مالتهم، عاد تحملي، وتخرج هسة ومتفرغلچ...
سمر:- بس عاجبني، خوش ولد للامانة...
- صلوااات، يعني فايت لمزاجچ...
سمر:- أي گعدت وتصالحت وية نفسي وقررت خلص من صار كلشي رسمي بيننة رضيت بالامر الواقع...
- ولي لچ علساس ما كتلتي روحچ من اجة يخطب، ومتأكدة حتى من شبااچ غرفتچ شفتي قبل ميفوت هو وابوه والزلم الوياهم..
سمر:- طبعا اشوفة لعد شلووون!! قابل يغشوني هيچ؟ يجوز الولد مو حلو...
- ليش هية عالشكل؟! طاح حظچ، ولچ اريد افتهم انتي شوكت تعقليييين؟!!!
سمر:- يابة آني شمسوية؟ بيش مأثرة عليچ؟
- دروحي بابا روحي، حتى الولد راح تخبلي وياچ، اگلچ مهجة هم رايحة يمهة بهالايام؟!
أنت تقرأ
على خطى قلبي
Short Storyرواية باللهجة العراقية ذات طابع عائلي.. على خطى قلبي أسير، يخفف عني و يرسم لي قدراً أجمل على الرغم من مصاعب الحياة.. ففي هذه الدنيا لنا نصيب من الفرح والحزن، نصيب من الحب والكره، من الثقة والخيبة، من الكبرياء والانكسار، من الأمل والألم ومن الربح و...
