على خطى قلبي

البارت التاسع عشر

على خطى قلبي..

للكاتبة هند النعيمي..

البارت التاسع عشر

حبايبي أتمنى التفاعل يكون اكثر و علقوا بين الفقرات، بتعليقاتكم البارت يكون احلى.. و لتنسون التصويت  🤍

شهد...

رحت للمستشفى وجتي وياي أميرة، كلش تعبت، لثاني يوم الظهر يلة ولدت، بس الحمدلله جبت طبيعي، ورة الولادة ما حسيت بروحي و نمت رحت بعالم ثاني من الوجع، جسمي كلة يوجعني حتى عظامي، من صحيت لگيت روحي بغرفة ويمي عمة وأميرة وفراس بوسوني وگلت:- وينة ابني؟

فراس:- هسة يجيبوه حبيبتي، لتخافين الحمدلله صحتة زينة...

- اريددد اشوفةة ما شبعت منة...

فراس:- هسة اشوفهم وين صاروا، اصبري...

راح شوية واجة شايلة بايدة گالت عمة:- ولك يمةةة هو هيچ يشيلوه؟!!!

فراس:- يمة شمعرفني فدوة اروحلچ...

انطاني إياه فدوة شگدوتةةة وشلون حلووو خشمة وحلگة هالگدوتهن وايديه اخذتهن وابوس بيهن صدگ بچيت، شعور غريب، بس حلوو، آني صرت ام، وهذا ابني، ابني آني، حضنتة حيل گالت عمة:- شراح تسموه؟؟

فراس:- بكيفهة يمة، هي اللي شايلتة وتعبت بي وجابتة، هي تسمي...

- أمييير...

باوعت عليه وگتلة:- اموووري، حبيب قلب ماما، اسمك امووورييي موو؟؟

فراس:- أمير أمير، هاهية ام أمير تتدللين ويجرالچ...

ضحكت وگتلة:- وانت أبو أمير...

فراس:- أمير فراس، هههه يضحك الاسم ترة...

عمة:- لان جديد يمة هسة تتعود عليه...

فراس:- يمة توني يلة حسيت صرت اب، صدگ لو گالوا الام تصير ام اول ما تحمل بالطفل بس الاب ميصير اب الة ييجي الطفل...

عمة:- يمةةة لان ما حسيت بي ولا شفتةةة بس هي چان ببطنهة وتحس بي بكل دقيقة، يمةة صيح ابوك يشوفة خطية گال من تگعد وترتاح صيحوني...

حطيت حجاب على راسي لان فارس وياه، فات عمو وباس راسي وگال:- الحمدلله عالسلامة بنيتي، الف مبروك، الله يبارك بي ويجعلة من البارين...

شافة وگال:- بسم الله ما شاء الله، بسم الله تبارك الرحمن يول يروحلك فدوة ابوووك...

ضحكنة على منظر فراس وهو يگول:- ليش يابة؟!!

شالة عمو وحط فلوس بهدومة وباسة وأذن بإذنة من خلص .. گال فارس:- الحمدلله عالسلامة مرت اخوية ومبروك...

- الله يسلمك ويبارك بيك...

فراس:- شيلة فارس، هذاا ابن اخوك التوأم، يعني انت عمة ونص ابوه...