على خطى قلبي..
للكاتبة هند النعيمي..
البارت السابع و الثلاثون
حبايبي أتمنى التفاعل يكون اكثر و علقوا بين الفقرات، بتعليقاتكم البارت يكون احلى.. و لتنسون التصويت 🤍
لينا...
متت بچي انصدمت صدمة عمري، شلون راح اعوفة وهو بهيچ موقف؟! فتت جوة ردت الم الهدوم بس ما گدرت عفتهن ورجعت گتلة:- ماارووووح واعوفةةةة وشتسوون سووا، ما من حق أي احد ياخذني من بيتي هيچ محد بيكم وصي علية...
عبدالرحمن:- حلوووو طلع اللساااان، منو الوصي عليچ بلة؟! هذا ال ******....
قرب علية ضربني وجر شعري وگال:- دقيقتين تجهزين غراضچ والگاچ گدامي لا والسماااچ لينا ادفنچ هناااا افتهمتيييي؟؟؟
جرة فراس وگال:- لتمد ايدك عليهاا هية شعليهاا؟!
عبدالرحمن:- وخر لك، صاير رجال براسي، حسابك بالبيت، كلكم حسابكم بالبيييت، امشي يلاااا جيبي غراضچ...
باوعت لعلي ماكو رد فعل، ما سوة شي، رحت لغرفتي قفلت الباب وگعدت ابچي، مااريد اعوفةةة لان ادري شراح يصير بي اذا اعوفة واطلع، شوية واسمع الباب يندگ وصياح عبدالرحمن:- خلصيني عاااااد، جهاز مال عروس؟!! شدتلمييين؟ هنة هدوم مسلبات...
ما جاوبتة و گال:- اطلعي لا اكسر الباب على راسچ، يلاااااااا...
ما جاوبتة گام يدفع بالباب خفت ليكسرة ماادري شسوي ووين اروح متت من البچي وگمت ارجف من التوتر والخوف ماادري شسوي، احس روحي منهارة...
اسمع صياحهم برة بس مااميز شي ولا افتهمت شديگولون، شوية واجاني صوت فارس گال:- لينا اطلعي، شو اشوفچ...
رحت يم الباب گتلة وآني اشاهگ:- فارس مااريد اروووح، لتخلي ياخذنيي...
فارس:- اطلعي بس اشوفچ لتبچين هيييچ...
عبدالرحمن:- اطلعي لچ يلااا...
فارس:- لتصيح متشوف حالها شصاير بيهااا، اطلع مناااا اطلع معليك...
عبدالرحمن:- عود راح تحلوها، والله فلا بيكم رجال بي خير يكسر ظهرها على هالزواج الفاشل البلتنة بي، كلكم تتحملون المسؤوليةةة كلكم، وانت اولهم، انت وابوك، آني طالع للسيارة بس قسماً بالله اذا مااجتي وياكم احرگ البيت عليكم وعليهاااا، لحد الآن مشيت بحچيكم وما گلت شي، بس من اليوم ورايح ورة ما تخزينة محد بيكم تمشي حچايتة بالبيييييت...
فارس:- معليك اگلك اطلع منهااا...
عبدالرحمن:- عود راح تحلها حضرتك، طلعها يلااا وطبطب عليها امداكم من بين الزلم يا ******....
شكلة راح لان الكل سكت، اندگ الباب واسمع بابا گال:- اطلعي عااد...
فارس:- لينااا افتحي...
أنت تقرأ
على خطى قلبي
Short Storyرواية باللهجة العراقية ذات طابع عائلي.. على خطى قلبي أسير، يخفف عني و يرسم لي قدراً أجمل على الرغم من مصاعب الحياة.. ففي هذه الدنيا لنا نصيب من الفرح والحزن، نصيب من الحب والكره، من الثقة والخيبة، من الكبرياء والانكسار، من الأمل والألم ومن الربح و...
