على خطى قلبي..
للكاتبة هند النعيمي..
البارت السابع و العشرون
حبايبي أتمنى التفاعل يكون اكثر و علقوا بين الفقرات، بتعليقاتكم البارت يكون احلى.. و لتنسون التصويت 🤍
شهد...
بقينة بالبيت آني وسمر بس طلعوا هية خابرت مصطفى و گالتلة ييجي، طوّل شوية اول ما فات گال:- منو راح؟ وحدچن بالبيت؟
سمر:- أي احنة وجدة والجهال...
مصطفى:- جدة وين؟
سمر:- جوة دتصلي...
مصطفى:- هسة شنو؟ هم خابرتوا عليهم؟ شفتوهم شصار ما صار؟!
- اميرة ما ماخذة تلفونهة و لينا متجاوب وفارس مو بحال التلفون أصلا، حتى فراس من خابرتة يگطعة...
مصطفى:- عبدالرحمن وياهم؟
سمر:- اي...
مصطفى:- خل اشوفة بلكي الله...
خابر و جاوبة عبدالرحمن شوية وسد الاتصال گال:- لحد الان بس الطفلة جاية على خير، بس هي حالتهة خطرة، الله يستر، زين منين وگعت؟ شلووون؟!...
سمر:- چانت يمنة بالمطبخ گالت راح اروح للغرفة مدري شرادت، ومنسمع الة صياح فارس جينة لگيناهة تنزف، هيچ بلحظة...
مصطفى:- لا اله الا الله، هاي وين چانتلنة هالسالفة؟! استغفر الله يارب، الجهال وين؟
سمر:- هيانهم...
مصطفى:- مااگدر اعوفكم صارت الدنيا ليل، وهمة كلهم هناك، اذا اروح ماافيد بشي، خل ننتظر والله كريم...
سمر:- لا عفية كلكم تروحون؟
مصطفى:- گاعد يابة گاعد مااروح، استغفر الله ياربي، الله يسترنة...
صدگ بچيت على حنين، فطرت قلبي والله ومنظرهة ابد ميروح من راسي، مر وكت طويل وگام محد يجاوب، صارت بالدعش وفاتوا عمو وعمة ووراهم اميرة وعبدالرحمن، بس اميرة بيدهة الطفلة رحت عليهة و گلتلها:- حنين شلون صارت؟! ليش متجاوبوووون والله اعصابي تلفت...
اميرة:- فاتت بغيبوبة...
- عزة العزاني، صدگ چذب؟!
مصطفى:- بس انتوا جيتوا والبقية؟
عمو:- اخوك تخربط و نوموه بغرفة...
مصطفى:- شصارلة؟
عمو:- انهيار عصبي، من رحنة لحد قبل شوية وهو متوتر ومشنج وبس يرجف، دمر روحة...
عبدالرحمن:- يابة مرتة و انصدم شيسوي؟! انتوا كلش زين تعرفوه من يتعلق بأحد شيسوي...
جدة:- يمةة شو دجيبوا الطفلة، اوووف يبعد روح جديتچ، جتي وحدهة لا وياها أمها ولا ابوها، سودة علية...
أنت تقرأ
على خطى قلبي
Cerita Pendekرواية باللهجة العراقية ذات طابع عائلي.. على خطى قلبي أسير، يخفف عني و يرسم لي قدراً أجمل على الرغم من مصاعب الحياة.. ففي هذه الدنيا لنا نصيب من الفرح والحزن، نصيب من الحب والكره، من الثقة والخيبة، من الكبرياء والانكسار، من الأمل والألم ومن الربح و...
