على خطى قلبي

البارت التاسع

على خطى قلبي..

للكاتبة هند النعيمي..

البارت التاسع

حبايبي أتمنى التفاعل يكون اكثر و علقوا بين الفقرات، بتعليقاتكم البارت يكون احلى.. و لتنسون التصويت  🤍

فراس...

عبدالرحمن قلقني وجودة بالبيت رجع وعادي ولا كأنه صار شي ويومية يصعد لغرفتة وينام ويگعد ويانة ياكل ويشرب ويسهر ويسولف.. امي وابوية تقبلوا وجودة وابوية تعارك وياية يگلي:- لتتدخل مو بيتك حتى تطرد هذا وتستقبل هذا الدنيا متمشي على مزاجك.. بعدين مااريدة يطلع من البيت ويسويلي مصيبة ثانية، اريدة يبقى گدام عيني...

بالليل واحنا گاعدين گال عبدالرحمن:- يابة اريد ارجع مرتي وبنتي...

ابوية:- نرجعها نرجعها.. لازم ترجع بس شيقنع عمهاا وهو من اجة عرف بكل سوالفك؟!!

عبدالرحمن:- يابة اني تغيرت والله.. اريد ارجعها، ورهوفة هم مشتاقلها حييبل.. بعدين مو بكيفة يقبل لو لا مرتي وبنتي واريدهم...

ابوية:- أي روح تعارك وية الرجال النوب.. سويلنة سالفة جديدة...

عبدالرحمن:- لا اتعارك ولا شي بس گتلك اريد ارجع مرتي...

ابوية:- نروح باچر ونشوف.. فراس تجي ويانة...

- لا اجي ولا أوصل.. اجي شسوي؟ اشهد بحسن سيرة وسلوك اخوي الموقر؟؟

عفتهم وطلعت اسمعة يگول:- هو منو طلب منك تجي؟ على أساس عايز عليك آني!!

فتت على فارس شفتة دينهض روحة ساعدتة و گعد و گال:- شكو هالصياح؟؟

- ابوك يريدني اروح وياه نرجع اميرة للبيت...

فارس:- أي ومتروح؟

- والله اذا ما سكتت، اروح شسوي؟ اگلهم ابننة خوش وصار رجال ويُعتمد عليه؟ وبعدين اذا سوالها شي اني اللي اتحاسب گدام رب العالمين، شذنبها تعيش وية هيچ واحد؟؟ خل يروحون همة، واذا تريد ترجع مشكلتها هي اللي راضية ورايدة هالعيشة...

فارس:- علمود رهوفة، خطية...

- رهف باچر عگبة من تكبر وتعرف ابوها شنو، حتى بخلقتة متباوع...

مد ايدة رحت گعدت بصفة وگال:- بس علكيفك و اسمعني.. الطفلة ما الها ذنب باللي صار، وصعبة تعيش وتكبر هناك.. لازم تجي وتظل گدام عيننة.. احنا أهلها وبعدين شمدريك هناك شنو ظروفهم وشلون معيشهم عمهم؟ هنا مهما صااار امي وابوي موجودين ويتدخلون، واحنا هم مو بعيدين.. يلااا عاد لتطنگر و روح وياهم وجيبلي رهوفةةة مشتاقلهاااا.. انتظرك هااا...

- من اگلك بطران تزعل.. ظل بهالتفكير...

فارس:- گوم من يمي گوم.. صايرة شوفتك تجيب الهم...