على خطى قلبي

البارت الخامس والثلاثون

على خطى قلبي..

للكاتبة هند النعيمي..

البارت الخامس و الثلاثون

حبايبي اعتذر منكم عن فترة الانقطاع اللي صارت بس كنت مسافرة وهسة رجعتلكم وهذا البارت لعيون حبايبي اللي سألوا عني بهالفترة، بانتظار تفاعلكم و تعليقاتكم بين الفقرات، بتعليقاتكم البارت يكون احلى.. و لتنسون التصويت  🤍

لينا...

علي:- خل نروح عود ورة العشاء، روحة سريعة...

مر الوكت و خلصنة العشة وخابرت بابا گلتلة راح نجي عليكم هسة..  طلعنة ورة شوية، بعدنة بنص الطريق وگال علي:- عندچ مي؟

- لاا ما جبت وياية، اوگف هنا انزل للأسواق اجيبلك...

علي:-  لاا مو مشكلة، هسة نوصل وعود جيبيلي اول منفوت...

وصلنة لبيت أهلي سلمنة عليهم وركض رحت للمطبخ شفت البنات گلتلهن:- نريد مي بسرعة...

اميرة:- هسة نودي...

وديتلة المي شرب وصبيتلة بعد وگال بابا:- هاا يابة خوما السكر؟!

علي:- لا عمي بسيطة...

گعدوا هواي حطينة فواكه وكرزات وحلويات يعني التعلولة صارت يمهم واخذتنة السوالف بس علي هواي راح للحمام يمكن خلال نص ساعة راح اربع مرات و كلما اباوع عليه وجهة اصفر احسة تعب بس گام ينحرج، آخر شي گال:- يلا نترخص، هم يلا نوصل...

بابا:- هو هيانة بيتكم...

- ميخالف بابا نرتاح شوية...

بابا:- براحتكم، بس ترة هاي متنحسب جية، فد يوم تجون عالعشاء...

ظلوا يتعازمون شوية وگمنة شو علي بس گام فقد توازنة داخ ووگع عالتخم بس الحمدلله ما تأذة، ركضت عليه وفارس گعدة زين وغسللة وجهة وشربة مي و قست السكر ردت انطي علاجة بس طلع ناسي بالبيت، راح فراس للصيدلية جابة واجة، اخذ العلاج وگتلة:- شلون صرت؟!

علي:- عيوني غوشت مااشوف زين...

بابا:- ابني مدد وارتاح، شو مددوه...

مدد ومدري شصارلة كلش تعب، شربتة مي وظل على هالحال بحدود النص ساعة، گالت ماما:- هذا دائما هيچ يتعب؟!

- لا ماما بس هالفترة اكو شغلة مضوجتة حيل وتعبان...

فارس:- يولي خوما صاير شي؟ گليلي...

- لاا هيچ، شغلة، هو من ينغث يتعب هيچ، ما بي شي، هسة يصحى...

بابا:- مااضغط عليچ بس بابا اذا اكو شي نگدر نساعدة بي گولي، اذا صاير وياه شي، اذا محتاج شي، گولي بنتي، منخلي وحدة، عالاقل نوگف وياه...

- لا بابا، شغلة خاصة بينة وبين امة، حتى آني معلية بيها، شوية مغثة، سوالف وهيچ...

بابا:- الله يهديهم يا بنتي، شگول قابل...