على خطى قلبي

البارت التاسع والعشرون

على خطى قلبي..

للكاتبة هند النعيمي..

البارت التاسع و العشرون

حبايبي أتمنى التفاعل يكون اكثر و علقوا بين الفقرات، بتعليقاتكم البارت يكون احلى.. و لتنسون التصويت  🤍

حنين...

هالفترة الحمدلله بدت حياتنة ترجع طبيعية وآني هم صرت احسن خطية فارس ابد ما عافني الصبح اول ما يگعد يسويلي تمارين ويفرك ايدية ورجلية، وبالليل هم قبل ماانام، فترة وبدينة نجهز الغراض اللي تحتاجها لينا، طبعا مستحيل نعوفها وحدها، كل يوم وحدة تروح وياها، والولد همينة اي واحد يصيرلة مجال ياخذنة للسوگ، اكثر الأحيان فراس من يرجع من شغلة ياخذهم للسوگ، ناي حبيبتي دتكبر اروحلها فدوة وصايرة تجنن، وفارس گايم ميفارگهة حتى من يگعد ياخذها بحضنة، من ينام ينومهة يمة، من تبچي بالليل يگوم يفتر بيها، يسويلهة الحليب، كلش ديساعدني بيها، بيوم گاعدين الظهر اني وشهد بغرفتي امير چان يلعب واحنة نسولف وناي بحضني علساس دتريد تنام، بس تبچي خبلتني، گلت لشهد:- خبلتني ترةة بس تبچي، هسة لو يم ابوها چان ما سمعتي صوتها...

شهد:- متعودة عليه غير، أربعة وعشرين ساعة شايلهة، من يفوت للبيت لما ينام هية بحضنة...

- والله ميصير هيچ يعودها عالشيل، يعني من يروح للشغل توگع براسي، شلون النهار كلة ابقى شايلتها وافتر؟

شهد:- خل يشيلهة يمعودة شتريدين منة؟ ما صدگنة صاروا ربع هو وياهة...

- يابة ما گلت شي...

شهد:- هاا ولچ لتگولين گمتي تغارين منها؟!

- لاا ليش اغاار، ترة بنتي...

شهد:- ايي مبيين، ندري بنتچ يابة، ندري...

- تعاي صدگ عود هو ليش گايم يحبها اكثر مني؟ من ييجي لما ينام ميباوع بس لحلگها، هاا جاعت هاا بچت هاا نعست هااا خل انومهاا...

شهد:- حلوووو، بالتوفييق، من ييجي عود تعاركي وياه اسألي...

- اي طبعا، غير اشوف ليش گايم يحبها اكثر مني؟ هو لو مااني هاي الفصعونة تجي؟؟

شهد ماتت ضحك وگالت:- آخ ربي، صدگ تحچين؟؟

- اي والله من ييجي اتناقش وياه بالموضوع...

شهد:- راح اخابرة اگلة اليوم لتجي للبيت...

- لاا ييجي لتخافين، يشتاق لبنتةةة...

شهد:- يمةة عزة بعينچ راح اموت من الضحك، صدگ تحچين؟

- عوفچ مني فراس شلونة؟

شهد:- زين قابل شبي؟

- يعني زين زين؟ لو شلون ماشي يومكم؟ سولفيلي ترة صار هواي ما گاعدين سوة وحاچين...