على خطى قلبي..
للكاتبة هند النعيمي..
البارت الثلاثون
حبايبي أتمنى التفاعل يكون اكثر و علقوا بين الفقرات، بتعليقاتكم البارت يكون احلى.. و لتنسون التصويت 🤍
لينا...
ورة ما تزوجت دائما يراسلوني البنات بس ميطولون حچايتين و يروحن، ثالث يوم خابرتني حنين اتصال چنت انظف بالغرفة العصر:- هلوو حنونةة...
حنين:- هلاا بيچ عيني عروستنا، شلونچ الاخبار الأمور؟
- الحمدلله، علساس مو كلساع تدزيلي...
حنين:- ادزلچ شي، واحچي وياچ شي ثاني، هسة يلااا على گولت فروسي غردي..
- شبيچ والله زينةة...
حنين:- و علي؟
- هم زين وحباب ولطيف، كافي عااد مو كلسااع تعيدين نفس الأسئلة ونرجع نعييد، انتي گليلي بالبيت شلونهم؟
حنين:- كلهم زينين، عادي، بس اكيد ضايجين...
- هاي شنو؟! لهسة؟! لعد من چنت يمهم شو چانوا حتى حچي ميحچون وياية؟!
حنين:- يمعودة لو تشوفيهم، خوب عمو حتى عالعشاء لگمتين ويگوم...
- بابا هواي متعلق بية من آني صغيرة...
حنين:- كلهم والله، هذا فارس صارلة يومين ما نايم، كلساع يگلي ما خابرتينا؟ شلونها؟
- حبيبي هذا والله لو شما اسويلة اطلع مقصرة بحقة، بس هو وگفلي وصدگ اعتمدت عليه...
حنين:- حتى فراس، شهد تگول فد مقهوووور...
- ما شاء الله هسة يلة صحى ضميرهم...
حنين:- ترة فراس زيين، مو مثلهم...
- ما انسى السووه بية...
حنين:- ايييي يمعودةةة، مو وكت هالحچي، هسة كليلي شدتسوين؟
- داانظف بالغرفة...
حنين:- لعد روحي كملي مااريد آخذ من وكتچ گلت بس اتطمن عليچ واسمع صوتچ...
- زينة والله، ليظل بالكم، مرتاحة والحمدلله...
حنين:- الحمدلله، دوم ان شاء الله...
ورة ما داومنة اول يوم راح للشغل همين وورة العشاء قرينة اللي فايتنة بس ما كملنة شي، بقينة طول الأسبوع نفس الروتين، اجة يوم الجمعة وهم راح للشغل من الصبح ما رجع غير للعشرة بالليل تعشة وصعدنة للغرفة گتلة:- علي، يومية راح تظل تروح للشغل هيچ؟ علساس چنت تروح بس حتى تخلص من البيت؟
علي:- اي حبيبي بس هالاسبوع محتاجيني، من الأسبوع الجاي خلص اظل على شغل واحد وكافي، لان كلش تعبت آني هم مداارتاح، شووو سويلي مجاال...
أنت تقرأ
على خطى قلبي
Krótkie Opowiadaniaرواية باللهجة العراقية ذات طابع عائلي.. على خطى قلبي أسير، يخفف عني و يرسم لي قدراً أجمل على الرغم من مصاعب الحياة.. ففي هذه الدنيا لنا نصيب من الفرح والحزن، نصيب من الحب والكره، من الثقة والخيبة، من الكبرياء والانكسار، من الأمل والألم ومن الربح و...
