على خطى قلبي..
للكاتبة هند النعيمي..
البارت الواحد و الثلاثون
حبايبي أتمنى التفاعل يكون اكثر و علقوا بين الفقرات، بتعليقاتكم البارت يكون احلى.. و لتنسون التصويت 🤍
- شلون وياك اليوم؟!! شصاااير غير افتهم؟!!
علي:- گتلچ ماكو شيييي، لتلحييين...
گام يصيح و كلما امد ايدي عليه يفز ويصيح وخري، عوفيني، اباوع عليه جسمة يرجف، وجهة اصفر كلما اباوع عليه صافن حتى نوم مديگدر ينام...
مر الوكت و نام، بس من صارت أربعة ونص حسيت عليه يحچي عبالي گاعد، باوعت بوجهة نايم بس شكلة ديحلم وعرگان صاير مي يرجف ويحچي مداافتهم عليه، حاولت اگعدة ميگعد، شوية وسمعتة يگول:- مو آني كتلتة، مو آني، هو مات، مو آنيي...
بقيت صافنة أحاول استوعب اللي دااسمعة شديحچي هذا؟؟ كتل منو؟ منو مات؟!!
گمت على حيلي وگعدتة:- علييي، علييي گوووم شوو، تسمعني؟ گوم...
فز و حاولت اهدي:- اسم الله، اهدأ حبيبي ماكو شي، چنت حلمان، ماكو شي علي انت هنا بالبيت...
ظل يتلفت منا ومنا وگال:- لاا ما حلمان، أتذكر كلشي...
صوت نفسة قوي وگوة ديحچي گتلة:- اهدأ، بس علكيفك واحچيلي شصار، هاك اشرب مي...
شربتة مي وغسلتلة وجهة گعدت يمة وگتلة:- شصار وياك؟ وين اخذك هذا؟ شحچالك؟ شسويتوا؟
علي:- والله آني معليةةة، وصلت يمة وگال يريد يصعد وياي نروح لمكان ثاني يريد يشوفني شي وهناك يحچيلي، صعد وآني چنت اسوق و...
رفع ايديه وظل يباوع بيهن وشفتهن يرجفن، لزمت ايديه وگلت:- ايي، وبعدين؟ شصار؟
علي:- ماادري، ما چنت منتبه، مو بقصدي الصار، دااسوق وهو حط ايدة عالستيرن وغير مسار السيارة و دعمت احد، ردت انزل اشوفة گلي ميحتاج هاي بزونة بس من نزلت شفت ولد يعني طفل تقريبا بگد سيف اخوية، ممدد و مااعرف عايش لو ميت، ردت اشيلة وما خلاني گلي مات وامشي خل نروح گبل لتجي الشرطة وياخذوك، اخذني للسيارة وهو يسوق وجابني لهنا، والله مو آني الكتلتةةةة، صدگيني هو لاف السيارة، وآني ماااا شفت چانت الدنيا ليل ظلمةةة....
- عزةة صدگ تحچي!!!
علي:- مو آني والله، هو ماات...
- غير تشوفةةة تاخذة للمستشفى؟!!! عالاقل مد ايدك وشوفة عايش لو ميت...
علي:- ماا خلاااني...
- هو شنو الماخلااااك؟! لتخبلنيييي، بلة الولد ظل ينزف ومات ومحد يدري بي؟!!
علي:- ماادري، ماادرييييي...
گام يضرب على راسة وگتلة:- ليش ما گتلي اول ما جييييت؟ گوم نروح نشوفة خاف الولد بعدة بالشارع ومحد يدري بي..
أنت تقرأ
على خطى قلبي
Historia Cortaرواية باللهجة العراقية ذات طابع عائلي.. على خطى قلبي أسير، يخفف عني و يرسم لي قدراً أجمل على الرغم من مصاعب الحياة.. ففي هذه الدنيا لنا نصيب من الفرح والحزن، نصيب من الحب والكره، من الثقة والخيبة، من الكبرياء والانكسار، من الأمل والألم ومن الربح و...
