على خطى قلبي..
للكاتبة هند النعيمي..
البارت الخامس و العشرون
حبايبي أتمنى التفاعل يكون اكثر و علقوا بين الفقرات، بتعليقاتكم البارت يكون احلى.. و لتنسون التصويت 🤍
شهد...
خابرت حنين گالت:- لاا يجوز نطول، حطولهة مغذي شوية بدت تنزل حرارتها بس بعدها، تدرين من وصلنة للمستشفى طلعت حرارتها ٣٩.٥ وچ يبست بمكاني من الخوف حتى تخربطت بين ايدية قبل منوصل...
- صدگ چذب؟!! عفية كلساع خابريني ظل بالي والله...
حنين:- ماشي يلة خل اروح...
سدتة وآني صدگ دمي فاير رحت للغرفة لگيتة نايم گعدتة:- فراس گوم عااد شهالنوووم؟!! البنية اگلك مو زينة...
فراس:- يعني شبيهة قابل؟
- ترة حتى فارس اخذهة للمستشفى هاي شبييك؟!
فراس:- وليش ما گلتي؟
- شنو ما گلت؟ مو جيتك وگتلك وعفتني ونمت؟!!!
فراس:- وشبيهة قابل؟
- فراس شبييييك؟ شصايرلك؟؟ ترة تبقى اختك، كلة علمود واحد خطبهة؟!! مو انت هم حبيت وجيت خطبت مرة ومرتين شصااار يعني؟؟ حتى بابا ما سوة سوايتكم...
فراس:- ترة هاي ادبسز، ما سمعتيهة شلون تگول أي احبة وأريد اخلص، شمسويلهة احنة حتى تريد تخلص؟ شو گاعدة ومدللة وكلشي تريد ييجي ليمهة، من شنو تخلص؟ شمسويلهة؟
- الة دستوا ببطنهة ووصلتوهة مرحلة تحچي هيچ، بعدين واذا حبت؟ اني من سألني عمو تحبي لو لا موافقة لولا گتلة أي، شكو بيها يعني؟؟ مداافتهم...
فراس:- ليش تقارنيني بهذا؟ لا نعرف اصلة من فصلة، لا عمام ولا خوال، ورجل امة سكير وقمرچي وخريج سجون؟ شمتوقعة مثلا؟ ناخذة بالاحضان لو نگللها عفية؟
- من شوكت تعرفون هالحچي؟ وليش ما گلتوا؟ اگعد وياها وافهمها هيچ وهيچ السالفة، شكو بيهاا؟ يجوز متعرف عنة شي!!
فراس:- خل تولي ليش بكيفها؟ أصلا يريدلها تربية متعرف حتى تحچي عدل، صايرة صلفة وترد...
- والله لو احچي منا لباچر ميفيد، گوم روح الحگ اخوك، يعني مو تدري بي تعبان، خاف يحتاج شي خاف يصير وياه شي، شجاااك؟!
فراس:- ما بي شي هسة ييجي...
عفتة ونزلت گعدت بالهول انتظرهم شوية ونزل گال:- ما خابرتيهم؟
- لا...
فراس:- لعد شدتسوين گاعدة هيچ؟ خابري...
- متخابر انت؟!
فراس:- تلفوني مو يمي...
- خابرت حنين متجاوب، خاف ماانتبهت للتلفون...
أنت تقرأ
على خطى قلبي
Historia Cortaرواية باللهجة العراقية ذات طابع عائلي.. على خطى قلبي أسير، يخفف عني و يرسم لي قدراً أجمل على الرغم من مصاعب الحياة.. ففي هذه الدنيا لنا نصيب من الفرح والحزن، نصيب من الحب والكره، من الثقة والخيبة، من الكبرياء والانكسار، من الأمل والألم ومن الربح و...
