"အဖွား က မင်းသားလေး ဆံပင်ကို လှအောင်လုပ်ပေးနေရင် မင်းသားလေးက သီချင်းပြန်ဆိုပြရမယ်နော်"
အဖွား က မဏိ ဆံပင် တွေ အားလုံးကို စည်းပေးနေရင်း ပြောလိုက်တာကြောင့် ခုံအောက်မှာထိုင်နေရင်း အဖွားကို သူ မော့ကြည့်လိုက်ကာ။
"ကျွန်တော်မှ သီချင်း မဆိုတတ်တာအဖွားရဲ့...၊အဖွားက သီချင်းနားထောင်ချင်လို့လား ဒါဆို ကျွန်တော် ဆက်နိုင် ဖုန်းထဲကနေ ဖွင့်ပေးမယ်လေ ဘာသီချင်းနားထောင် ချင်လဲ ပြော... အဖွား တို့ ခေတ်က သီချင်းကို နားထောင်ချင်လား ဒါမှမဟုတ် သားတို့ခေတ်က သီချင်းကိုနားထောင်မှာလား..."
"ဖုန်းထဲကသီချင်းကြီးတော့ နားမထောင်ချင်ပါဘူး နီလာ က အမြဲ ဖွင့်နေတော့ရိုးနေပြီ... အခုက မင်းသားလေး နူတ် က ဆိုပြတဲ့သီချင်းပဲ အဖွားက နားထောင်ချင်တာ ၊ မင်းသားလေးပဲ ဆိုပြပါနော် ... "
အဖွား က မျက်နှာငယ်လေးဖြင့် တောင်းဆိုလာတာကြောင့် မဏိ အမှန်ပဲ စိတ်မကောင်း ဖြစ်မိသွားရသည်... ။
ဒါပေမယ့်လည်း သူ သီချင်းဆိုရင် စာကျက်နေသည့် အတိုင်း ခပ်တောင့်တောင့်ကြီးသာ ဖြစ်သွားတာကြောင့် အပေါင်းအသင်းတွေ နဲ့ အပျော်တမ်း ဂစ်တာတီး သီချင်းဆိုကြရင်တောင် ဘေးကနေ ထိုင်ပြီးနားထောင်ပေးရုံအဆင့်သာ တတ်နိုင်သည် ။
မဏိ အဖွားလက်လေးကိုဆုပ်ကိုင်လိုက်ပြီး ချော့မော့သလိုဖြင့်..ယ
"ကျွန်တော် က အသံမကောင်းဘူး အဖွားရဲ့... အသံမကောင်းတာ ထက် သီချင်းတစ်ပုဒ်ကို အပျင်းပြေတောင် မညီးတတ်တာ အဖွားသဘောကျမယ်မထင်ဘူး..."
"ဆိုတတ်သလိုသာ ဆို အကုန်သဘောကျတယ်... တကယ်ပြောတာပါ ဆိုပြနော်..."
အဖွား က ကလေးကြီး လို ဇွတ်တွေဂျီကျနေတာကြောင့်...
"ဟုတ်ပါပြီ...ဒါဆို အဖွားနားထောင်ချင်ရင်ကျွန်တော် ခဏတော့ ဆိုပြ မယ်လေ နော်"
"အင်း..အင်း..ဆိုပြနော် နားထောင်ချင်တယ်"
အဖွား မျက်နှာလေး က လိုချင်တာရသွားတဲ့ ကလေးတစ်ယောက်လိုမျိုး ပြန်လည်ပြုံးရွှင်သွားတာကြောင့် မဏိ ပါ အလိုလို လိုက်ပြုံးမိလိုက်သည်။
YOU ARE READING
မေတ္တာခြုံ၍ နွေးပါစေ
Romanceရဲရဲသာမှီခိုလိုက်ပါ ဒီရင်ခွင်ရော ဒီပခုံးတွေရောအားလုံးဟာ ခင်ဗျားအပိုင် ....
