ភាគទី២២
បន្ទាប់ពីនិយាយសាច់ការសាច់កាប់ជាមួយអាកុងរួច ខ្ញុំនិងអ៊ីបូក៏ឡើងឡានសំដៅទៅកាន់ទីតាំងកំណត់ទុក។
មកដល់កប៉ាល់//
វ៉ាវ...ខ្យល់អាកាសបរិសុទ្ធទឹកសមុទ្រឡើងថ្លាយ៉ង់មើលឃើញដល់បាតទេសភាពត្រជាក់ភ្នែកស្ងប់ស្ងាត់ពិសេសសម្រាប់គូស្នេហ៍មកដើរលេង
បើមិនទាស់ត្រង់មានពួកឆ្អឹងទទឹងក៎ដល់ទៅរាប់រយនាក់
"ស្អាតណាស់!"ខ្ញុំឧទានឡើងម្នាក់ឯងទាំងក្តីរំភើបនឹងរីករាយនិយាយឱ្យត្រង់ទៅខ្ញុំខានមកលេងសមុទ្រយូរហើយបើរាប់ចាប់ពីរៀនចប់មកដល់ពេលនេះ។
"តោះឆាប់ឡើងទៅ!"អ៊ីបូងាកមកនិយាយជាមួយគូរដណ្ដឹងមុននិងទាញដៃគេឱ្យឡើងលើកប៉ាល់។
"បង...មើលនោះទៅស្អាតដល់ហើយ!"
"បើអូនចូលចិត្តបងនឹងឧស្សាហ៍នាំមកលេង!"
"ពិតណា?"
"ពិត!"
"អូខេ ស្លាញ់បងជាងគេ! ជុប!"ខ្ញុំជំទើតជើងងើយមុខថើបថ្ពាល់គេមួយខ្សឺតជាការដឹងគុណហើយគេក៏ញញឹមយ៉ាងស្រទន់ដាក់ខ្ញុំមុននិងអោបចង្កេះខ្ញុំពីក្រោយជាប់។
រួចកប៉ាល់ក៏ចេញដំណើរទៅ។
(ទីតានិចSeason2)
ក្រុមហ៊ុន អេលីហ្វា
ក្រឡេកមកមើលខាងលោកប្រុសហ្វាន់ឯនេះវិញក៏ត្រឡប់មកដល់ក្រុមហ៊ុនដោយសុវត្ថិភាព។
"ឆ្នាស់នោះឆ្នាស់ ចាំមើលណាស់តែញ៉ែមិនបានយើងមិនមែនស៊ាវហ្វាន់ទេវើយ!"នាយកំលោះមួម៉ៅតែម្នាក់ឯងក្រោយនឹកឃើញដល់ហេតុការណ៍នៅក្នុងហាងអារហារជប៉ុនព្រឹកមិញនេះបន្ទាប់ពីសុំលេខគេមិនឱ្យហើយវិសតែនឹងត្រូវស៊ីកំភ្លៀងទៀតផង។
ផាំង!!!!
សម្លេងធាក់ទ្វារលាន់ឡើងមួយទំហឹងធ្វើឱ្យស៊ាវហ្វាន់វិសតែលោតពីកៅអីដោយសារតែរន្ទះជើងរបស់ប្អូនស្រីសំណព្វចិត្ត។
"អាបងហ្វាន់!!!!"ស៊ាវលីនចូលមកដល់ក្នុងបន្ទប់ធ្វើការបងប្រុសទាំងទឹកមុខក្រញីក្រញូវក្រញ៉ាងដៃក្រញ៉ាងជើងពេញរហូតធ្វើឱ្យអ្នកជាបងឈឺក្បាលវិលមុខភ្លែត។
"ចូលមកស្រួលៗមិនចេះទេហីយ៉ាងម៉េចបើសិនបាក់ទ្វារទៅអ្នកណាចេញសង?"ស៊ាវហ្វាន់ស្រែកស្ដីឱ្យប្អូនស្រីផាំងៗតែនាងក្រមុំមិនខ្ចីឈឺក្បាល។
"បន្ទប់អ្នកណាអ្នកនឹងដោះស្រាយទៅ មិនពាក់ព័ន្ធនឹងខ្ញុំ!"ស៊ាវលីនឆ្លើយឱ្យតែរួចពីមាត់រួចក៏ដាក់គូទអង្គុយចុះមកលើសាឡុងមិនបាច់មានអ្នកអញ្ជើញ។
"ហើយវាថីឯង? ប្រក្រៀវកាច់ស្អីទៀតហើយ?"
"ឈ្លោះគ្នាជាមួយបងដេន(គូរដណ្ដឹង)!"នាងតូចឆ្លើយរួចក៏ងាកទៅសម្លក់បង្អួចតាមតែចិត្តខឹង។
"អឺ...ហើយឈ្លោះរឿងស្អី?"
"ខ្ញុំចង់ញាំការ៉េមបងដេនមិនអោយញាំហើយខ្ញុំក៏សុំគាត់ផ្តាច់ពាក្យទៅឥលូវមិនឃើញមកតាមលួងសោះ!"
"ស្អី? គ្រាន់រឿងស៊ីសុំគេផ្តាច់ពាក្យ? លោកម្ចាស់ប្អូន ឯងយកស្អីមកគិត?"
"មិនដឹងទេ តាមចិត្តខឹងអ្នកណាទៅដឹងថាគេមិនលួង!"
"ចុះគេមានតេមកអត់?!
"ខ្ញុំប្លុកលេខគេចោលហើយ!"
"ចុះមានឆាតមកទេ?"
"ឆាតក៏ប្លុកដែរ!"
"ចុះFacebook?"
"ប្លុកដូចគ្នា!"
"ចុះline?"
"ដូចគ្នា!"
"អញ្ចឹង telegram ig ឬស្អីៗទៀត?"
"អឺ គ្មានសល់!"
"ស្លាប់ហើយ! ចុះបើឯងប្លុកគេចោលទាំងអស់គ្រប់ច្រកឱ្យគេលួងឯងតាមណា?"
"អឺមែនតើ!"
"ហ៊ើយ យើងហត់!"
"បងមកហត់ស្អីខ្ញុំទេដែលហត់មកពីក្រៅក្តៅចង់ឆេះទម្រាំឡើងមកដល់លើបន្ទប់បងក៏ហត់ចង់ធ្លាក់អណ្ដាតនៅចំណាយកម្លាំងធាក់ទ្វារបងទៀតគិតទៅអ្នកណាហត់ជាង!"ស៊ាវលីនតបទៅនាយវិញមិនឱ្យបាត់មួយម៉ាត់ធ្វើឱ្យអ្នកជាបងក្រពុលមុខភ្លាម។
"អរគុណទេវតាទៅដែលឯងកើតមកជាប្អូនស្រីបើជាប្អូនប្រុសវិញហើយហក់ខ្លេ-ឯងបាត់ទៅហើយ!"
"ឆឹស៎...ធ្វើមើលតែមិនដែលវាយគ្នាទៅកើតលោកបង!"
"បានហើយកុំមកឌឺឱ្យតែមានរឿងដឹងតែមករកយើងហើយឯងទុកយើងជាស្អី អ្នកណែនាំហ៎?"
"អត់ទេ ទុកបងជាកន្លែងបន្ធូរអារម្មណ៍!!"
"ស៊ាវលីន!!!"
"ស្អីបង និយាយការពិតមិនបានហី!"
"មើលទៅបើយើងមិនចាត់ការឯងទេ គឺមិនសមជាស៊ាវហ្វាន់ឡើយ!"
"ចង់ធ្វើអី? ហាស៎ យ៉ាច!!!!!"សង្រ្គាមបោចសក់ច្របាច់ក៎ក៏ចាប់ផ្តើមកើតឡើងម្ដងទៀតក្នុងការិយាល័យអ្នកប្រុសហ្វាន់។
សួនសត្វ//
អ្នកប្រុសតូចនៃត្រកូលដូរិកសេនឌ្រ័របាននាំសង្សារបណ្ដូលចិត្តគឺអ្នកនាងនីងនីងចេញមកទស្សនាសួនសត្វហើយខណ:នេះនាក់ទាំងពីរក៏កំពុងបោះចេកអោយស្វាមួយហ្វូងផងដែរ។
"អូនអោយវាឱ្យអស់ទៅហើយយើងទៅខាងនោះម្ដង!"អ៊ីលុនងាកមកប្រាប់សង្សាររួចនាងក្រមុំក៏ហុចចេកដែលនៅសល់អោយសត្វស្វាទាំងអស់។
"Ok តោះអាលឹប!"
"នែ៎!"
"អូ!! ច្រឡំៗ ប្រុសស្អាត!"
"តោះអូនសម្លាញ់!"
"ចាស៎!"ចប់ការសន្ទនានាក់ទាំងពីរក៏ដើរតាំងៗចេញទៅរកទ្រុងខ្លា។
"ប្រុសស្អាតបងមើលខ្លានោះទៅធំសម្បើមណាស់!"
"បងថាអានៅក្នុងព្រៃកាលយើងជួបដូចធំជាងនឹង!"
"អញ្ចេះទៅល្អទេ បងលោតចូលទ្រុងនឹងទៅចាំអូនថត!"នីងនីងនិយាយចប់ក៏ងាកមកស្ញេញដាក់សង្សារតែអ៊ីលុនមិនស្ញេញជាមួយទេ។
"បើលោតចូលទៅមិនត្រូវវាហែកស៊ីទេហ៎?'
"មិនហែកទេ ខ្លាគេចិញ្ចឹមស្លូតៗសឹងងាប់!"
"អូនដឹងមកពីណា?"
"មើលតុក្កតាជាមួយក្មួយ ឃើញក្នុងនឹងខ្លានឹងឡើងគួរឱ្យស្រលាញ់!"
"Ok ចឹងបងលោតហើយ!"
"ចា៎ៗៗ!! អូនត្រៀមកាមមេរ៉ា!"និយាយគ្នារួចរាល់ហើយអ៊ីលុនក៏ប្រុងប្រៀបនឹងលោតឯនីងៗក៏លើកកាមមេរ៉ាដែលពាក់ជាប់នឹងក៎មកថតខណ:នោះស្រាប់តែសន្តិសុខដែលយាមនៅទីនោះស្រែកវ៉ាស។
"ហេ៎...ប្អូនកើតស្អីបើថាចង់សម្លាប់ខ្លួនណាស់ក៏មិនគួរមកឱ្យខ្លាស៊ីដែរទៅលោតទឹកទៅងាប់នៅនឹងនាំមានរឿងឈឺក្បាលបិទសួនសត្វអត់អំពើឥលូវហើយ!"លោកអ៊ំសន្តិសុខនិយាយចប់អ៊ីលុនដែលនៅលើរបងនោះក៏ស្រែកសួរវិញ។
"ទេអ៊ំហា៎ ក្រែងខ្លាចិញ្ចឹមនឹងស្លូតហេស៎?"
"អ្នកណាប្រាប់? ខ្លាចិញ្ចឹមវាស្គាល់តែម្ចាស់ទេ!"ចប់សម្ដីលោកអ៊ំអ៊ីលុនក៏ហក់ចុះមកវិញវិសតែផ្កាប់មុខ។
"ហ៊ើយ~អូនបោកបង!"
"អត់ទេណា៎ក្នុងតុក្កតាខ្លាចិញ្ចឹមស្លូតមែន!"
"តែអានេះខ្លាមែនទែនណាក្មួយស្រី!"
"អា៎...ហិហិសូមទោសអូនអត់ដឹង!"
"ហ៊ូ~វិសផុតពូជ!"អ៊ីលុនដកដង្ហើមធំយកដៃរឹតទ្រូងតិចៗ។
"អញ្ចឹងពួកយើងលាហើយ អឺប្រុសស្អាតហា៎យើងទៅណាបន្ត?"
"ទៅរំលឹកអតីតកាលហែលទឹកជាប្រណាំងជាមួយក្រពើ ដូច្នេះយើងទៅបឹងក្រពើម្ដង!!"អ៊ីលុនតប។
"គេព័ទ្ធសំណាញ់ហើយបងចង់ចុះហែលម៉េច?"
"ឆ្កួតអ្នកថាចុះ? គ្រាន់តែទៅមើល!"
"អញ្ចឹងហ៎?"
"បាទ! អ្នកនាង!"
"ហេហេ! ស្អីទេអាលឹប!"
"ទៀត!!"
"មាត់នឹងចេះតែច្រឡំរហូត!"
"ឆឹសស!! តោះទៅ!"រួចគូរស្នេហ៍ទាំងពីរក៏ធ្វើដំណើរទៅទស្សនាបឹងក្រពើបន្ត។
To be Continued♥️
Author: Lîñ Gukki ✨
YOU ARE READING
គូដណ្ដឹងម៉ាហ្វៀ🔞💗
General Fictionដោយសារឧបទ្ទវហេតុលើកនោះទើបលោកតារបស់គេបានដឹងថាកម្លោះតូចម្នាក់នេះមានសមត្ថភាពពពោះបានទើបសម្រេចចិត្តចាប់ពួកគេអោយមកភ្ជាប់ពាក្យជាមួយគ្នាហើយសាច់រឿងស្នេហារវាងគេទាំងពីរក៏ចាប់ផ្ដើមឡើង។ អុីបូ ដូរិកសេនឌ្រ័រ x ស៊ាវចាន់ អេលីហ្វា អ្នកនិពន្ធ:លីនហ្គុកគី❤️
