Unicode
မိမိတို့ရောက်သွားတော့ သခင်သည်သူ့အိမ်ထဲ၌ရှိသည်။
ထုံးစံအတိုင်း စာများကိုကြိုးစားပန်းစားရေးနေသည်။
"ဪ....ဦးလေးပါလား...ကိစ္စရှိလို့လားရှင့်"
သခင်ကဖေဖေ့ကိုမော့ကြည့်ကာမေးလာ၏။
"သမီးလွန်းရေ..ဦးသမီးလေးက နောက်ကျနေလို့သမီးဆီမလာရဲဘူးဆိုလို့ ဦးကိုယ်တိုင်လိုက်ပို့ပေးရတာ"
သခင် သူ့ကိုကြည့်လိုက်တော့ သူ့အဖေနောက်ကလေးတွင်ကုတ်ကုတ်ကလေးလိုက်လာကာခေါင်းကိုငုံ့ထားသည်။
အပြစ်လုပ်ထားရင် ရဲရဲဝံ့ဝံ့ရင်ဆိုင်တာမျိုးကိုသာ နှစ်သက်သည်။ထို့သို့သော အပြစ်လုပ်ထားပြီးကြောက်ရွံ့တတ်သူများအား မနှစ်သက်လှပါ။
"သူကဘာလို့နောက်ကျနေရတာလဲ ဦးလေး"
"သမီးလေးကခဏအိပ်ချင်လို့ဆိုပြီးအိပ်လိုက်တာနောက်ကျသွားတယ်သမီးရယ်...သမီးလေးက၃နာရီမထိုးခင်နှိုးခိုင်းပေမဲ့ ဦးလည်းသမီးလေးအိပ်နေတာသနားတာနဲ့မနှိုးဘဲထားလိုက်မိတာ"
စိတ်ထဲ၌သက်ပြင်းသာခိုးချမိသည်။
ဦးသိန်းထွဋ်သည် သူ့သမီးကိုအလိုလိုက်လွန်းသည်။ဘာမဟုတ်တာလေးတွေကအစအလိုလိုက်နေတာမျိုးသဘောမကျပါ။
လူဆိုတာစည်းနဲ့ကမ်းနဲ့နေရမည်မဟုတ်လား။သခင်ကတော့အဲ့ဒီလိုပဲသတ်မှတ်ထားသည်။
"ဒီတစ်ခါတော့ ထားလိုက်ပါတော.. နောက်တစ်ခါဆိုရင်တော့ သူ့ကိုနောက်မကျစေပါနဲ့...သူနောက်ကျရင်သူ့အတွက်စာသင်ချိန်လျော့သွားလို့ပါ"
"အင်းပါ သမီးရယ်..နောက်တစ်ခါနောက်မကျစေရပါဘူး"
"ဟုတ်ကဲ့"
"သမီး ဖေဖေ သွားတော့မယ်နော်"
"ဟုတ်"
ထိုကလေးကိုကြည့်လိုက်တော့ သူ့အဖေကို
ပြန်စေချင်သေးတဲ့ပုံမပေါ်ပါ။
မိမိကိုလည်းမျက်လုံးလေးများက အသနားခံသလိုပြုမူနေသည်။
"လာထိုင်လေ အဲ့ဒီမှာရပ်ပြီးဘာလုပ်နေတာလဲ"
"ဟုတ် သခင်"
"ရပြီလား မနေ့ကစာတွေက"
"ဟုတ်ရပါပြီ "
YOU ARE READING
သခင် (Completed)
Romanceသခင်... ရက်စက်တဲ့သခင်... ဒဏ်ရာတွေပေးတဲ့သခင်... အမုန်းတွေသာပေးခဲ့တဲ့သခင်.... နှလုံးသားရဲ့သခင်...
