Unicode
သူသည် သခင့်ပေါင်ပေါ်တွင်ခေါင်းထားပြီးအိပ်ပျော်နေသည်။
သူ၏မျက်နှာပေါ်ကျနေတဲ့ ဆံပင်လေးတွေကို သခင့်လက်တွေနဲ့ ဖယ်ရှားပေးလိုက်သည်။မျက်နှာနုနုပေါ် လက်ကလေးနှင့်တို့ထိမိတော့ ရင်ခုန်မှုသည် လှိုက်ခနဲဖြစ်ရပြန်၏။ဘုရားစူးပါ၏။မောင်နဲ့တုန်းက မရခဲ့တဲ့ရင်ခုန်မှုတွေကဒီကလေးနဲ့မှစတင်ခဲ့ရတာပါ။
သူနှိုးသွားမှာစိုးလို့ ခြေတစ်ဖက်ကျဥ်နေတာကိုတောင်မလှုပ်ရဲဖြစ်ရသည်။
သူ့မျက်နှာလေးငေးမိရင်းတစ်ချိန်တုန်းကမှတ်ဉာဏ်တွေဆီကို သခင်ခဏပြန်သွားမိလိုက်သည်။
"မေမေ..သမီး ဟိုကလေးေလးဆီသွားဦးမယ်"
"အေးအေး သမီး..သိပ်တော့မကြာစေနဲ့နော်"
"အင်းပါ မေမေရဲ့ မကြာပါဘူး"
၂နှစ်သာသာပဲရှိသေးသည့်ကလေးေလးဟာ ချစ်စရာကောင်းလှသည်။လက်ရွေးတတ်လွန်းသည့်ထိုကလေးသည် အဲ့ဒီအချိန်ကတည်းကသခင့်ကိုတော့ စိမ်းမနေခဲ့ပါ။သခင် ဘယ်အချိန်ခေါ်ခေါ် သခင့်ဆီကိုလိုက်သည်။
"သခင်"
ကလေးသံလေးနှင့်ခေါ်သည့်သူ့အသံေလးမှာချစ်စရာကောင်းလှသည်။သခင်ထိုအချိန်ကတည်းကမှတ်မိပါသည်။
"ထမင်းစားပြီးပြီလား"
"ပြီးပြီ"
"သခင် မီးမီးကိုချစ်လား"
သခင်နဲ့တွေ့တိုင်းထို့သို့မေးတတ်ေသးသည်။
"ချစ်တာပေါ့"
ငယ်ငယ်က သူ့ကိုယ်သူမီးမီးလို့သုံးတတ်သည်။အရွယ်ကလေးနည်းနည်းကြီးလာမှသာ 'လင်း'ဆိုပြီး သုံးလာခဲ့တာ။အခုတော့ သူ့ကိုယ်သူ ကျွန်မတဲ့လေ။
"ဦးဦးနဲ့ ဒေါ်ဒေါ်ပြောတာ..သခင်က မီးမီးကိုမချစ်ဘူးတဲ့"
"မေမေတို့က အလင်းကို စနေတာပါ ..မမက အလင်းကိုချစ်တာပေါ့"
"ဦးဦးတို့က မီးမီးကိုမချစ်လို့ပေါ့နော်"
"မဟုတ်ပါဘူး အလင်းလေးရယ် ဦးဦးတို့ကအလင်းလေးကိုချစ်တာပေါ့"
YOU ARE READING
သခင် (Completed)
Romanceသခင်... ရက်စက်တဲ့သခင်... ဒဏ်ရာတွေပေးတဲ့သခင်... အမုန်းတွေသာပေးခဲ့တဲ့သခင်.... နှလုံးသားရဲ့သခင်...
