Unicode
"သခင့်ဘက်ကသေချာရဲ့လားဟင်...သခင်သဘောမကျရင် မင်္ဂလာပွဲကို လင်းဘက်ကဖျက်ပေးပါ့မယ်"
မိမိတို့အိမ်မှာ သခင့်ဖေဖေအပါအဝင်ဖေဖေကိုယ်တိုင်ငှားထားသောရှေ့နေလည်းရောက်နေနှင့်ပြီဖြစ်သည်။တကယ်ကိုအကျဉ်းရုံးမျှသာ စီစဉ်ထားသည် ။
သခင့်မျက်နှာကြည့်လိုက်တော့ငိုထားတာသိသာနေသည်။မျက်ရည်စများပင်ကျန်နေသေးသည်။
မိမိသည်ဘယ်တုန်းကမှသခင့်အပေါ်အနိုင်မယူဖူးခဲ့တာပါ။အခုလည်း သခင့်မျက်ရည်များကိုမြင်ရတော့ သခင့်ကိုပိုင်ဆိုင်ချင်မိခဲ့တဲ့စိတ်ကလေးကိုပင်အားနာမိသွားသည်။
ဒါကြောင့်လည်း သခင်ခွင့်ပြုရင်မင်္ဂလာပွဲကို ကိုယ့်ဘက်ကဖျက်သိမ်းပေးလိုက်တော့မည်။
"အခုအချိန်မှဘာလုပ်လို့ရတော့မှာလဲ"
သခင့်အသံသညါ ခပ်ဖျော့ဖျော့သာထွက်လာသည်။ငေးငေးငိုင်ငိုင်နှင့် အသက်မဲ့နေသလို။
"အချိန်မီပါသေးတယ်သခင်...လက်မှတ်မှမထိုးရသေးဘဲ ဥစ္စာ"
"မလိုဘူး..မင်းဘက်ကအခုမှဖျက်လိုက်ရင် ငါ့အဖေပဲမျက်နှာပျက်ရမှာ ဒါကြောင့်ဒီပွဲကို ဒီတိုင်းပဲထားလိုက်တော့"
"သခင့်ကိုစိတ်မဆင်းရဲစေချင်ဘူး...လင်းဘာလုပ်ပေးရမလဲသခင်...သခင့်ချစ်သူကိုလှမ်း
ခေါ်ပြီးသခင့်ကိုလာခိုးခိုင်းလိုက်ရမလား"
ဘာကိုမှမတွေးတောချင်တော့ပါ။
သခင်စိတ်ချမ်းသာမဲ့လမ်းကိုသာလျှောက်လှမ်းစေလိုတော့သည်။
သခင့်အပေါ်မှာ ပိုင်လိုစိတ်ရှိသော်လည်း
သခင့်ပျော်ရွှင်မှုကိုသာ ရှေ့တန်းတင်ဖို့ဆန္ဒရှိသည်။
"မင်းမှာဦးနှောက်မပါဘူးလား....ဟမ်...ငါသာခိုးရာလိုက်ချင်ရင်အစကတည်းကလိုက်ပြီးပြီ...မင်းသာအစကတည်းကငြင်းခဲ့ရင်ဒီလိုနေ့
ဆိုတာဖြစ်လာမှာမဟုတ်ဘူး...မင်းမှတ်ထားရမှာက မင်းကိုငါမုန်းတယ်ဆိုတာပဲ"
"သခင် လင်းကိုမုန်းမှန်းသိပါတယ်...
ထားပါ ...သခင်လက်ခံတယ်ဆိုလည်းသွားရအောင်လေ လူကြီးတွေစောင့်နေကြပြီ..
ဪ....ပြီးတော့ လင်းတို့ကမိန်းကလေးနှစ်ယောက်ဖြစ်နေတဲ့အတွက်ဒီနိုင်ငံမှာတရားမဝင်ပါဘူးလေ အဲ့ဒါကြောင့် သခင့်လွတ်လွတ်လပ်လပ်စိတ်ကြိုက်နေခွင့်ရှိပါတယ်"
YOU ARE READING
သခင် (Completed)
Romanceသခင်... ရက်စက်တဲ့သခင်... ဒဏ်ရာတွေပေးတဲ့သခင်... အမုန်းတွေသာပေးခဲ့တဲ့သခင်.... နှလုံးသားရဲ့သခင်...
