مرام في الرياض كانت تعبانه شديد نفسياتها في الارض و تبكي الليل و النهار حزينه انها ما ودعت ابوها و ما حضرته و ما شافته و ما نزلت للعزاء و شايله هم مصعب قاعد براه عايش الحزن ده كله 😭😭😭😭😭😭😭😭😭😭😭😭
علي كان طيب معاها شديد و بحبها و يسكت فيها و يحنس فيها و مستحمل كل شي وصابر على تقلباتها دي كلها و يقول ليها مصعب ده بعد كده حقو نعمل ليه شير و نخليه يعرس بعد ده خلاص .. جعفر قال لي الشغل خلاه بقى بس حابس نفسه في البيت
: مصعب مسكين شديد لسه ما مستوعبين فقدان امي جاء ابوي تما ليه ..انا جمبي انتا لكن هو براه
: خلاص يعرس بس
: هو داير يلم ليه شويه قروش و يتقدم لكن كل ما يبدا تحصل حاجه
: يا زوله بنتم ليه هو بس يشد حيله و يشوف ليه عروس
: عروس شنو يا علي هو داير تسنيم
: تسنيم منو ؟ تسنيم اختي ؟ انتي جاده
: ايوه انتا ما عارف يعني 🙂ناس بيتكم كلهم عارفين من حياة امي كلمت امكم
: يا بت دا كلام نسوان ساي .. تسنيم دي متقدمين ليها .. واحد صاحبي شافها يوم العرس و كان طوالي داير يتقدم الا قلتا ليه داير تطفي عرسنا بخبر زي ده لكن ابوي عنده خبر 🤗
: علي انتا بتقول في شنو 🥺
: بقول ليك الحاصل و الزول ده جااااهز لو ما وفاة عمي كان بدينا طوالي لكن ابوي رفض قال ما وقته
: مستحيل يا علي مصعب ممكن يموت لو الموضوع ده حصل 🥺
: انا لمن اتقدمتا ليك كان عايزك تقري و تخلصي و رفضني و نحن من حقنا نشوف لاختنا الافضل و الاجدر اليقدر يعيشها عيشه كويسه موش يقضي حياته كلها شير و صدقات اها ادوها ليه عرس كوره تجي تولد برضو نشير ليه حق الولاده عليك الله قولي كلام منطقي يا مرام اخوك بجيب ليها حق عيشه من وين 😏
مصعب بعد وفاة ابوه اسبوعين راقد منطوي في سرير ابوه في الصالون دق الباب و فتح بالسلكه جاه داخل جعفر صحاه و قال ليه بعد سلم عليه قال ليه عايزين مفتاح الهايس انتا الايامات دي ما بتقدر تشتغل حالتك تعبانه 😒 نحن لو ما محتاجين للمصاريف الكانت بتجيبها ما كان والله سألناك لكن الحي ابقى من الميت و شوفة عينك البلد كيف بقت غلا شديد 🙄
مصعب من غير ما يرد قام علي حيله فتح الدولاب و ناوله المفتاح من سكات 😔
مرت الايام سريعا حسن عم مصعب سأل ولده من مصعب كيفه طولتا ما لاقيته ..
: والله يا ابوي من ايامات العزاء ديك تاني ما اتقابلنا الا يوم شلتا منه مفتاح العربيه
: ليه يا ولدي ده ود عمك وبقى وحيد طل عليه كل شويه و تسال منه ما صاح نخليه كده براه للاحزان تلعب بيه .. ما عارفين الحاصل عليه وما صادفته في محل معناها ما شغال لسه 😔
