لمى مشت لبيت ابوها .. كان السواق شال ليها الشنطه لحد باب الشقه و شكله متأثر جدا بس عارف دي امور ما مسموح ليه يتدخل فيها 😔
ابوها لمن شافها من شكلها عرفها ما طبيعيه حضنته مساااااافه و بقت تبكي و يسكت فيها و يقول ليها وريني الحاصل شنو ؟ مالك ؟
: ماف شي
: جايه بشنطتك و بتبكي و عرسكم لسه ما تم شهر و تقولي لي ماف شي .. لمى يا بتي مالك
: خلاص يا بابا ماف شي انا تعبانه نفسي انوم .. ممكن
: احكي لي يا بتي طمنيني عليك و امشي
نومي
: يا بابا قلتا ليك ماف شي 😪
: خلاص تمام امشي غرفتك اخدي نومه و ارتاحي ولمن تصحي نتفاهم
مصعب في غرفته راسه عايز ينفجر من الصداع . دخل للحمام اتدوش و غير و نزل تحت يلاقي جدو قاعد براه بهدوء في الصاله
جاء قعد جمبه و شاله في رجلينه و حضنه و و باس راسه و بلعب بشعره قال ليه
: فطرتا ؟
: لا ..بس ما عايز
: ليه ؟ موش اتفقنا كل يوم لازم نفطر عشان ناخد الدواء
: ما اتفقتا معاك انتا . اتفقتا مع ماما لمى وهي خلاص مشت الاتفاق ملغي خلاص .. انتا ما حترجعها و ما حتجينا تاني ؟
: مشت وين ؟
: شالت شنطتها ومشت لابوها عشان هو براه .. بس انا عارف انها زعلانه وانكم اتشاكلتو مع بعض 😓 ليه دايما بتتشاكلو انتو ؟ موش بتحبو بعض ؟
مصعب ما قدر يرد لجدو حضنه و قام معاه عشان يشجعه يعملو الفطور مع الشغاله سواء . .وما يحسسه انه الموضوع خطير
: انتا عارف انا بحبها و هي كمان بس البنات افكارهم غريبه و بزعلو بسرعه ودلوعات و بكايات لكن الراجل ما ببكي وما بزعل بسرعه 😅😅صاح ول لا
:🤣🤣🤣صاااح انا بخليها ترجع ما تقلق يا بابا 💪🏼
الشغاله سامعه جوطتهم الكانت فوق و شافت لمى نازله بالشنطه و طلعت 😒 بقت تعاين لمصعب الواقف و شكله باين عليه كيف و يمسج في رقبته و يحاول يشغل جدو و يلخمه بالكلام ..
عملت القهوه و ادتها لمصعب و قالت ليه خلي معاي جدو انت اشرب القهوه و ارتاح ..
من عاين ليها في عيونها فهم انها فاهمه وضعه سيء لياتو درجه
نهله بتحضر في البزه لي لانا و لينا جايطه راصه العابها و تتكلم مع امها تجي تشرب الشاي معاها هي و الالعاب (شاي خيالي )
قعدت نهله بعد شويه تشوف ريل جات طالعه من الغرفه لابسه بجامه نوم و عامله ماسك لوشها و شايله مبرد تظبط في اضافرها .. نهله استغربت انها جات من السفر متين
: انتي متين جيتي ☺️
: جيت قبيييل بدري انتي كنتي نايمه
: الليله قاعده في البيت اجازه ول شنو ؟
