مرام اتصلت بمصعب و سألته اذا فاضي دايره تتونس معاه ول مشغول ..
: لا فاضي الليله رجعتا بدري و بكره اجازه
: غريييبه اول مره يعني 😅
:والله شفتي كيف ..
: ما قلتا صعبه و مشاويرهم كتيره
: والله اتعودتا خلاص .. واتغيرو ول نحن اتعلمنا ما عارف
: حلوه ؟
(مصعب بدا يتذكر قعدتها في الرمال قدام الشاطي عيونه كيف اتسحرت بيها )
رد على مرام ببرود بعد ما وعى لنفسه ..
: حلوه ؟ وليه السؤال ده انا سواقهم مالي ومال حلاتها 🙄
مرام بعد ما اتونست مع مصعب مسافه قالت ليه
: عارفاك حتتضايق لكن تسنيم بتسألني منك كتيييير و قالت لي سلمي لي عليه .. كانت عايزه تتصل عليك ول ترسل ليك رساله لكن انتا غيرتا رقمك و حظرتها في كل المواقع 😪
: مرام تاني لو جبتي لي السيره دي انتي زاتك بحظرك .. وحده بقت بي راجلها عايزه بي شنو 💔 ول لسه ما اكتفت هي و اهلها
: كل يوم بي مشكله مع زوجها ده وما نستك لحظه
: الكلام ده بعد ده ما بفيد وانتي بكلامك ده ما بتساعديني اتخطاها بترجعيني تاني لنقطة البدايه البحاول اتجاوزها برضاي ول غصبا عني 😔
: حب يا مصعب و الحياه قدامك وارتبط
: انا فاقد الثقه في نفسي خلاص اكتر من الحصل معاي ما اظن يحصل تاني
: لا ما كل الناس واحد و نظرتهم ماديه في ناس عايزين يشترو راجل ما بهمهم مستواه المادي اهم شي اخلاقه و وفاءه و تدينه ..
: ده ماف الا في الروايات
: لا في و كتير بس فتش و بتلقى ما تحبط و ما تيأس ودوام الحال من المحال ما ممكن تفضل كده طول عمرك الدنيا بتتغير ان شاء الله وربنا يوفقك ببركه برك بامي و بابوي والله ما بضيع زول ..
: ان شاء الله يا رب
مرام قفلت من مصعب بقى يفكر في كلام مرام و مشاغلتها ليه لمن طلع من المود و اتفتحت قدام صفحة الحزن القديم بت عمه لحمه و دمه عشان ظروفه ما قدرو صبرو قلبه سراب و الحب بالنسبه ليه باب و اتقفل ..
مصعب مواظب في شغله و مديه كل وقته ومرات بقابل ابوهم مصطفى كان راجل فاضل و متواضع جدا ما شاف من الناس ديل الا كل خير ..
في يوم نهله اتصلت عليه وقالت ليه انتا فاضي ؟
: انا منتظر لمى تخلص قالت عندها مشوار مع صحباتها ماشه تعمل شوبينغ ..
: موضوعنا ساعه ما بتمها سريع عايزاك تجي للشركه حقت بابا ضروري موضوع مهم شديد
مصعب اتحرك طوال بعد ما رسل رساله في الواتس لي لمى بالحاصل
