🔞
خليني فوت .. ما تحس بي
خليني فوق ظلمك علي
خلي الليالي تداوي لي
خلي المطر يغسل
دروبك ينضفها
مصعب بعد وصل لمى لبيتهم و طلع على بيته كان جدو نايم في العربيه ابوه شاله براحه رقده في غرفته
فك ليه الجزمه و الشراب برااااحه و غطاه و راقد متكي جمبه و يعاين ليه نزل دنقر باس يده الفيها الجبص 💔 اتخيل لو امه كانت في كان ما حصل ليه كده لانها كانت بتتوقع تصرفاته و حماسه و حركته المفرطه .. كانت مستوعباه زي ما زمان استوعبت مصعب بكل كلاكيعه و احباطاته 💔
اتذكر مصعب ساعة فاتح الباب لي لمى و ايام كان السواق الخاص ليها و ايام عشقه ليها و تمسكه بيها رغم ظروفه وهي الادته الطموح و لازم انه يغير للاحسن .. كان عارف بوضعه كسواق مستحيل يوصلها
كان في خطته هو ولمى لمن يتونسو عن مستقبلهم انه اول ما يستلم شهادته الماستر يسافر للامارات و يشتغل سنتين مسافه تكون لمى مشت شويه في كليتها وهو يأسس نفسه و يجي تقدم ليها .. ده مخطتهم كان كده
بعد الكسر الحصل في علاقتهم و سماعه لرايها فيه حتى لو كان قدام اصحابها و بتغطي عليه . . حس ده الواقع الاكيد و احساسه و حبه وهم .. استعجل في السفر من غير تفكير ..عشان كده لمن فتشته ما لقته ساب ليها السودان كله
بعد سافر الامارات اتصدم بواقع قلة سوق العمل و المنافسه الضاريه وكل التجربه كانت صعبه بكل المقاييس و الفي القلب في القلب 💔دمااار عدم ثقه في النفس 💔
اتعرف علي هانا في وقت كان شبه متسول بنوم في محطة المترو 😔 بعد ما بقى ما عنده امكانيه يدفع حق سرير في شقه مليانه عذابه و بعد ما ملو من عدمه و فقره بعد ما انقطعت بيه كل السبل
كانت هانا شغاله موظفه في شركه محترمه و طالبين موظفين IT مصعب قدم بشاهاداته و اوراقه ..
المعاينه كانت مقسمه على مراحل وكل شويه تحصل تصفيه في الاخير الاشتغلو ٣ منهم مصعب 🤩
حياته باديه برتم هادي نزل في سكن الموظفين غرفه فيها ٣ انفار و دولاب و حمام مشترك ..
مصعب كان عبقري في مجاله بصورة مبالغ فيها لانه موت نفسه في تطوير نفسه ومهاراته و قدم لماستر اداره شاغل نفسه بالاطلاع و التطوير ما عنده شي في راسه لا مرقات لا لمات لا سهر ولا حياة ابوظبي الطويله العريضه المليانه بالمتع جذبته لشي
كان محترم في مكان عمله .. تقله و ذكاءه و شخصيته كانت جذب لهانا كانت في مرحلة المرأه العمليه الهاديه الجذابه الجواها شغف للحياه
هانا كانت محافظه علي جسمها شديييد كانت شعرها مدرج بني الجزور اطرافه شقراء و عيون خضر خطوط العمر ظاهره في شكل خطوط رفيعه جدا حول عيونها لمن تضحك .. مصعب شايفها ما بتزيدها الا حلا 🥰حتى النمش حباه ..تلقائيتها و وضوحها في التعامل و بساطتها .. عجبته في كل شي هانا كتلة طاقه كانت ملفته بالنسبه ليه و رغم انجزابه ليها لكن مثبت نفسه 😔فاقد الثقه في نفسه زييرو
