الليله بس . .
لم الكلام فجأه انحبس
آمنتا انه الحب حدث
اصبح حقيقه وما عبث
،،،،
فزعتا ليك.. جريت عليك
فتشتا للحب في عينيك
قربتا المح سحرو فيك
شفقتا من روحي و عليك
راح الالم و الهم هجس
الليله بس
،،،،،
صدقني خفتا من التمن
ما برحم الريده الزمن💔
الحب حصل ليك امتحن
او زيي وراك المحن
شلناه في الروح و النفس
الليله بس ..
بعد قضى مصعب اجمل و اسعد يوم في حياته 😁 كان حاسي براحه نفسيه و سعاده طووووول منها و حماااااس فايت حده وحاسي نظرة لمى ليه طول الطريق كيف عيونها معلقه فيه و حاول يعمل رايح 🥰..
وصلها للبيت ما عايزه تنزل و اليوم يخلص 😅 و مصعب يضحك معاها و يقول ليها خلاص وصلنا انزلي ..
لمى نزلت من العربيه مصعب كان بعاين ليها لحد ما دخلت للبيت لابسه بنطلون سبورت و تي شيرت سكيني و شعرها الغجري المجنون مغطي ضهرها 🥰زي الغزاله
مصعب رجع للبيت مبسووووط لكن برجع يفكر و فيه عدم ارتياح حس انه بدا يدخل في الاحاسيس الغلط الكان ورع قلبه و نفسه من وقت طويل تاني ما يدخلها وما يحس بيها عن قصد و خلته ما واثق في نفسه اولا غير انه ما وقته لازم يحقق زاته و احلامه في انه يحسن وضعه ..
لمى بت طيبه تلقائيه واكيد ما بتقصد الكلمات البتقولها بالمفهوم البوصله انه عنده قيمه عندها حقيقه .. وهو وين و هي وييييين
فرق طبقي خزاااعبلي 💔 واحساس دكتوره نهله بتعامله كاخوهم و واثقه فيه مع لمى و ما عايز يخسر الثقه دي
مصعب تعبان شديد بين كل التفاصيل دي وبين قلبه و تصرفات لمى معاه 😞ساااهر الليل شايله تفكير زاد تعبه
الصباح كالمعتاد قام بدري صلى و نضف العربيه و ظبطها و طلع سايق الشارع كان هادي وهو مستغرب وصل قدام البيت الجو هادي و الباب مقفول 😕 اتصل بلمي مسااافه جرس طوييييل حتى ردت و كان صوتها نوووم
: الوووو مصعب صباح الخير 😴
: صباح النور .. انتي لحد هسه نايمه
: ليه في شنو 🫨
: ما ماشه للجامعه 🤔
: يا ولد انتا مشيت امبارح ساهرتا وين بعد وصلتني 🤣🤣🤣 الليله الجمعه
: كيف كده 😳
: كده ..انتا جيت تحت ؟
: ايي والله 😪
: خلاص دقيقه بس خليك انا جايه
لمى بعد قريب ربع ساعه نزلت و فتحت الباب و طلعت مع مصعب في العربيه قالت ليه عايزه اتمشى شويه وديني مكان هادي
: انتي صاحيه من النوم يا دوب انا آسف اني ازعجتك
مصعب اتحرك بالعربيه و مشى بيها قريب للكبري و وقف بالجمبه و نزلو بقت تتفرج في النيل مسااااافه و سااارحه لمى و دنقرت بالدرابزين زي العايزه تقع ما تحس بمصعب الا انه بمسكها من خصرها و شداها و بجديه قال ليها انتبهي 😳
لمى اتلفتت و بقت تعاين ليه في عيونه بقوه .. لمن مصعب خجل فكاها و قال ليها انا اسف معليش .. اعملي حسابك ..
بقو ماشين لمى من غير ما تحس مسكته من المرفق بقت متكله فيه و يتمشو في اثناء الونسه
اتمشو مسااافه لمن رجعو للعربيه كانت جعانه شديد و قالت لمصعب اعزمني فطور ياااخ ما كل مره شاي نعناع 😂😂😂
