🔞
مصعب و لمى من رجعو ابوظبي لمى عايزه تقابل نهله اختها ضروري اول مصعب رفض لانه مغيوز منها شديييد وشه ما قادر يفرده
آخر شي خضع لتحنيسها🙁 قال ليها بنهر فيها
: اول شي الناس حتجيهم صدمه لرجعتنا ..
حتقولي شنو ؟ انتي عارفه البرجعوها من شهر العسل معناها شنو ؟🤨 معناها بت ما كويسه فيها عيب دايره تختي ابوك في حته ضيقه ليه
: ابيت معاها ول نجيبها تبيت معانا ؟
: شكلي بتكلم مع نفسي 😏 في عروس ما تمت لسه ٣ يوم زي الناس تمشي تبيت في بيت اهلها دي جِرس ودي فضايح وسط الاهل حيقولو شنو ..ما حتبيتي معاها 😠
عشان اقطع ليك حججك دي انا بنزل معاك رجل بالرجل نمشي لي نهله ساعه زمن و نتخارج
: خلاص كويس بس انت الحتجيب لفت الانتباه بتكشيرتك دي
: هو في لفت انتباه اكتر من طيارتنا الهسه زمن اقلاعها و نحن لازلنا في ابوظبي ول الورم و الخياطه الفي شفتك ..اسرحي معاي بخيالك شويه حيقولو شنو🤔 .. انا اقول ليك .. ماف زول حيفكر لحظه انها النوبه البتجيك حيقولو العريس سعران 😅بيعضي
: لاحظ انت من دبي لحد ما وصلنا انت بتتريق علي و بتضحك وانا شايفه ملامحك كيف زعلان . آقسم بالله _____
: اقسم بالله انه ما ذنبي و انا ما بحس بحصل كده ليه لاب لاب لاب لاب .. لمى الكلام ده حفظته صم من كترة ما بتقوليه و من كترة المحاولات معاك اول كنت بتعاطف معاك بس انا بني آدم عندي احساس و شعور انا ما آله ول جهاز تفتحي ON وقت عايزه و تضغطي زر OFF وقت ما عايزه بين الاون و الاوف انا بموت حرفيا انتي دكتورة ومفروض تكوني عارفه تشخيص للحاله البكون فيها و البمر بيه شنو .. انا هسه مجرد اتكلم في الموضوع بس بتعبني شوفي ايدي بترجف كيف .. ده دليل يوريك مدى سوء وضعي شنو
: اليشوفك يقول سنين نحن يا دوبك يومين ما قادر تصبرهم . .
اصبر ياخ اصبر 😏 صُبُرُت
: انا آسفه 😓
: كل الرغي الرغيته ده قصاده كلمة آسفه ما دام الاسف يا عمري 💔
مصعب تاني ما فتح خشمه بكلمه لحد ما وصلو لبيت نهله ..
نزلو و دخو الجرس لمن الشغاله شافتها بقت مستغربه الجابها شنو .. مصعب طوالي اتريق
: الشغاله استغربت التانين حيقولو شنو 👿
اول ما دخلت لمى الناس ديل متجمعين حصل ليهم استغراب عديييل 😦
للتقدرهم عمر قاعد فك ضحكه مستفزه بصوت عااااالي وهو بعاين لي لمى ..مصعب ما عايز ينزل من قيمته و يصل لدرجه البربريه و يضرب عمر بس كان ماسك قبضه يده زي البوكس .. بعاينو ليها زول قادر يسألها مالك حصل عليك شنو مافي
سلمت عليهم و قامت و نادت نهله و دخلت معاها للمطبخ اول شي حضنتها و بكت مسااافه وبدت تشتكي لنهله بالحاصل خلت نهله اتخلعت ساقتها و دخلت بيها غرفتها 💔
