مصعب مشى للغرفه حالته حاله ما صدق انه وصل للباب يده بترتعش لمن كرت الباب اربكه
ريل مراقبه 😒 كل الحاصل ده متصنعه انها مهتمه
: مستر مصعب ما اكون سببت ليك مشكله اكيد المعاها ده زميل ول شي
مصعب للاسف ما رد فتح الباب و دخل قفله وراه ريل وقفت شويه قدام الباب كانه حيطلع يرد عليها
دخل مصعب قعد في الجلوس و فتح الفيديو مره تاني و بقى يتمعن في المشهد مسافه ما مصدق ..بعدين ابتسم انه معقول دي كلها غيره عليها هو ليه فكر انه ممكن يكون بينهم علاقه 😅او ممكن تخونه
اتصل عليها ردت ليه من اول ثواني الكاميرا كانت راقده في غرفتها و مستعده عايزه تنوم
: مساء الخير
: مساء النور .. في شي
: الا يكون في شي حتى اتصل عليك .. بس كنت عايز اقول ليك اني رجعتا خلصنا عشاء العمل و كان في مطعم عادي يا ستي عشان ما تسرحي بافكارك و خيالك يصور ليك حاجات وتجي تعصبي فيني من دون سبب
: انتا عارف قبيل جدو قال لي شنو ؟ قال لي بابا ليه ما بسوقنا معاه 😏
: يعني لو كنتا سقتكم كان حتمشي معاي
: انتا ما جربتا تقترح علي .. اتفاجأتا بسفرك اصلا كنتا حلمان بيه ول قررته كده بس
: انا بحلم بيك انتي بس 😇
: بطل هظار عليك الله
: والله بتكلم بجد
: مصعب عايزه اقول ليك شي انت بتنطط من مشكله للتانيه و نحن الاولى ما حليناها ..حركات نتجاوز و ننسى و نتسامح من دون ما نتناقش دي ما انا ابدا ها لا
: انا اصلا ما فتحت معاك الموضوع الاول الا اني عايز حل جزري و قبل كده سالتك وما رديتي علي و تااااني هسه بسالك ليه .. لمى انا فيني غلط ؟ فيني عيب ؟ في شي فيني ما عاجبك ؟ او اذا في في زول غيري في حياتك 🙄جاوبيني بوضوح ما تلفي و تدوري
: ممم مافيك عيب ولا غلط ولا في زول غيرك في حياتي ليه انت ما تقول البت دي فيها مشكله
: قلللتا ليك و نمشي لدكتور انتي رفضتي
: مصعب انا اذا رفضتا يعني معناها انا كويسه .. مصعب انا زعلانه اني وصلتك للحد ده حد انك تقبل علي نفسك تكون معاي وانا ما في كامل وعيي انت قايله شي هين لمن تكون بتحب زول و عايز تبقى كل حياته لكن ما قادر 😭😭😭😭 لما احس انه غيري ممكن تسعدك هل ده علي هين 😭😭😭
: اصلا ماف و مستحيل يكون في غيرك يا عبيطه ما تبكي ساي و تتعبي نفسك بالبكاء و تتعبيني معاك
: انت حاسي اني بغير عليك
: والله حاسي و بحاول اكون شاطر و ود ناس و انا والله شاطر و ود ناس من اول وانتي عارفاني كويس ول لا
