بعد يومين كانت الفحوصات اكتملت حقت العمليه ..
حاتم كان متواصل مع لمى لحد ما وصلها في المستشفى والاجمل جاء و معاه امه و اخته سلمو عليهم و اتعرفو علي لمى و طمنوها انهم موجودين وفي مقام اهلها ❤️ ولو احتاجت ايي شي هم معاها ..
عم مصطفى لمن ارتاح نفسيا حس انه معاها ناس يساندوها و يخففو قلقها
اثناء هم قاعدين جاء الدكتور مرور و حدد موعد العمليه ولازم يسددو المبلغ
حاتم طلع ومشى رجع امه و اخته و رجع طوالي كانت لمى بتتكلم مع نهله انها اذا بتحول ليهم مصاريف لانه حسابها ما فيه كتير احتمال يحتاجو ليهم في شي تاني ..
لمى كانت بتتكلم مع نهله في المستشفى تحت كانت مرتبكه لانه حست نهله عايزه لمى تتصرف 🙄 لحد ما تقدر تدبر ليها المبلغ
استغربت لمى انه نهله اخدت جزء من ميراثها في حياة ابوها و ادته لطارق زوجها يبداء بيه شغل تجاره في الامارات 😒 وامورهم كويسه .. كيف نهله ما عندها و تقول ليها اتصرفي .. و اتذكرت كل التكاليف من طلعو من الخرطوم كانت علي حساب لمى حتى سكن الفندق و ايجار الشقه المفروشه في القاهره .. نهله مجرد تبحث و تلقى ليها الحاجه و ترسل ليها ارقام تلفونات 😒
مصاريف العمليه كتيره شديد لو غطتها بالكامل تاني ما حيكون عندهم البكفيهم
في تفكيرها تتفاجاء بحاتم قدامها لمن شافته ارتبكت 🙃 قال ليها قلتا اوصل الجماعه و ارجع اشوف حصل معاك شنو ..
: ما حصل شي 🙂
: مشيتي للحسابات الجماعه ديل بخلوك تختي قروش تحت الحساب اكتر من حق العمليه على اساس لو حصلت حاله طارئه و تكاليف زياده تكون مغطيه و برجعوها ليك لمن تطلعي .. نحن عملو مع الوالد كده الله يرحمه فاهم اجراءآتهم كويس و بعرف اتعامل معاهم خلي الموضوع ده علي
: لا انا مشيت و عرفتا كل شي شرحو لي نفس كلامك كده و خلاص الموضوع اتزبط .. تسلم شديد
: انا حاسي بيك متوتره شديد من يوم شفتك و شايله هم الدنيا و العالمين عايزك تهدي شويه و ترتاحي كل شي محلول ان شاء الله .. حتبيتي هنا ول حترجعي للبيت
: بابا ما بخليني ابيت معاه 😪 وما عايزه اضايقه باصراري بستسلم و برجع للبيت
: معاه حق انتو جايين من رحله مرهقه شديد و تعبتو في الخرطوم ارتاحي شويه ..انتي اتغديتي ؟
: ما عندي نفس و الله
: لا كيف كده .. ما ينفع كلامك ده يله يله غداك علي
: لا ما ينفع ياحاتم انا____
: علي بالطلاق غداك علي وانا جايي جمب المستشفى هنا في مطعم قريب شكله كويس ما تقلقي يا دكتوره 😅
: يا حاتم ما عايزاك تشغل نفسك ___
: ولا تتمي كلامك زاته انا وراي شنو يعني عادي كفايه في حلفا ما قبلتي نضيفك و ترتاحي معانا كمان هنا دايره تصديني تمشي تتغدي وهو غداء شنو ده بقى عشاء عديل يا زوله الساعه داخله علي ٩ عديل
