جدو صحى الصباح بدري كالمعتاد قايم كان زهجان لانه امس انتظر ابوه مسااافه ما رجع من بره لحد ما نام زعلان 💔
عارف برنامجه شنو اول ما يصحى بدخل حمامه الخاص في غرفته بغسل وشه و يتسوك حتى يطلع من غرفته طلع طوالي لفوق غرفة ابوه دق الباب و فتحه لقاها فاضيه و الانوار كلها مفتوحه و مرتبه شديد كأنه ما نايم فيها زول من امس 😒 جدو نزل تحت لقى كرستين بترب في غرفته لمن شافته بتعاين ليه بطريقه حزييينه وماعارفه تتصرف كيف ول تقول شنو لو سألها 💔 جدو نزل تحت دخل غرفة المكتب فاضيه اخر شي سأل الشغاله اذا ابوه رجع امس بالليل ول لا الشغالات قعدو يعاينو لبعض ما ردو ليه كلام منطقي طلع بقى يتفرج في التلفزيون مسافه يفطر و عنده تدريب في النادي الشغاله اتصلت بالسواق بخصوص تدريب جدو لازم يكون حاضر قال ليها انا في المستشفى
لمى للصباح قاعده قدام غرفة العنايه المشدده في مستشفى كليفلاند ابوظبي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لمى قاعده في بهو المستشفى ومعاها عم ربيع السواق في كراسي مصفوفه ورا بعض كانت خاته يدينها في وشها مكفيه متسنده علي صف الكراسي القدامها : مدام لمى نبلغ اهل مستر مصعب ؟
: ما عارفه يمكن ما يرضى ..لحد هسه الدكاتره ما ادونا تشخيص ثابت للحاله دي
: مستر مصعب كان واضح عليه ما كان طبيعي الفتره الفاتت بالذات امس لما اتصل علي اجي اسوق جدو و كريستين من الكورنيش .. لمى سكتت تذكرت كلام نهله انه حاتم قابل مصعب و ناقشه في الموضوع طلاقكم لمى بقت تبكي بصوت 😭😭😭و عم ربيع بحنس فيها تقوى وده ما وقت بكي وانهيار لانه مصعب و جدو محتاجين ليها اللحظه دي
لمى قامت مشت تاني جمب العنايه تستجدي ايي خبر ول شي يطمنها انه مصعب بخير و الحاله العنده ما وصلت مرحلة زبحه 😭😭😭
عم مصطفي الصباح اتصل بلمى لما صحى لقاها مافي .. ردت ليه وهي بتحاول تتماسك انها مع مصعب في المستشفى ..كان جاييها لكن لمى قالت ليه ماف داعي تجي للمستشفى اصلا ما حنقابله هو في العنايه لكن عايزاك تمشي البيت جدو ما عارفه وضعه شنو 😭 هو بحبك لو مشيت يمكن يفرح بجيتك
ده الحصل لمن عم مصطفي جاء داخل جدو مشى ليه بكل فرحة العالم استقبله و قعده و مشى جاب ليه الضيافه مع الشغاله و بدو يتونسو ..وقال ليه كنت مشغول الليله لكن بابا ماف شكله سافر والتدريب اتأجل ما حمشي لانه عم ربيع ماف برضو 😒 حكون فاضي ..
