نهله في البيت نضيف و مرتب و مبخر الجرس دق الشغاله فتحت و نهله قامت متحمسه شافت ابوها وراء طارق زوجها حضنته و بقت تبكييي مسااافه قدام الباب و بعده لمى
لمى و نهله حضنهم من نوع تاني كله معاني و عبرات نهله بتبكي علي اختها الصغيره المدلله و الحصل فيها و الموقف المرت بيه الما حتنساه طول حياتها هي لسه ما مستوعبه ولسه ما حست بتبعاته 😭😭😭😭😭😭😭 بتحاول قصارى جهدها انها تكون بخير وما تتذكره
لمى في حضن نهله لقت الحنان لقت الامان لقت الراحه زي امها وكأنها ختت كل حمل ثقيل كانت شايلاه في ضهرها من بداية الحرب و هدا بابا سلمته ليك زي ما خليتيه امانه في رقبتي يوم ما سافرتي و كانت كلمات مباشره من نهله لي لمى
((بابا ده خليته امانه في رقبتك ما تعذبيه يا لمى بتصرفاتك ))
قعدو و شالو بت نهله الصغيره و جابت ليهم المولوده 🥰🥰🥰لينا الكبيره ٥ سنوات و لانا الصغيره شهرين
طارق بخفف في دمه قال لي لمى زيك انتي و نهله بالضبط بس لانا الحمد لله سليمه ما عندها مشكله الحمد لله ..
لمن لقى كلامه مؤذي بقى يتضاحك الا نهله اتدخلت و قالت لي لندمى طارق قصده ان شاء الله يكونو زينا يحبو بعض🥰 و قامت جمب لمى و حضنتها بس لمى احساس طارق وصلها و عرفت انه ما ح يجيبها البر ومن اول دقايق الجواه ظهر
نهله قومت ابوها دخلته للغرفه عشان يرتاح من السفر ولمى دخلت معاهم ..
الغرفه فيها سريرين و دولاب و مفروشه جميله شديد ..
طارق حصلهم وقال ليهم اخدو راحتكم و ارتاحو البيت بيتكم .. طبعا الغرفه دي حقت امي و اختي ريل طبعا من اول يومين انا رسلتا ليهم جبتهم من السودان هسه هم مع اختي صفاء في عجمان مشو يفرقو شويه اخدو راحتكم لحد ما يجو . .
نهله وشها اتخطف من كلام طارق كل ما يفتح خشمه بكلمه كان ليها مراد تسكته و تقفله ليه 😨 ابوها كان مستسلم و مكسور لكن نظرة لمى واعيه لكل شي حولها حاصل و نهله حاسه بيها 😞
اول ما طلع طارق نهله اعتذرت من لمى و ابوها من تصرفاته لكن ده الطبيعي حقه كده زول همجي وانتا عارفه يا بابا
عم مصطفى ضحك و قال ليها ما تختي في بالك يا بتي انا عارف بورجغ ساي لكن ما قاصد شي 🙂
لمى مشت وراء نهله قالت ليها
: انا عايزه اشتغل و عايزه لي شقه نستأجرها و نرحل انا و بابا قبال السفيره عزيزه (ريل) و امها يجو من عجمان 😏
: يا بت انتي متين جيتي و بطلي عواره طارق ما قاصد شي
: طارق و ما قاصد ما جايين علي بعض 😅صوره طبق الاصل من اخوه عمر . . بالله وين الكائن ده مع الاحداث دي
: عمر قاااعد قبال الحرب جاء هنا و استقر و ماشاء الله شغااال و وضعه كويس
: انا بالجد عايزه اشتغل 😔
