اتصل علي لابوه و ساله من الحصل شنو و عمه قال شنو😍 ..
ابوه حكي ليه بالحصل بالتفصيل كله حتى كلام مصعب
علي شويه اتضايق من رأي مصعب 😏
بهناك مصعب اتناقش مع ابوه كتيير و مشى كلم مرام يشوفها رايها شنو .. حس بيها فرحانه شديد و ابوه مرتاح للخطوه دي ورغم كده مصعب ما سكت وضح ليها فكرته شنو وانها لسه صغيره ولازم تتم قرايتها 🤔
ابوهم كان موافق و شرح لمصعب انه اخته براها و دي بت و بعد امهم اتوفت ومر عليها كم شهر بقت كيف لو ما بتجيها تسنيم
تاني يوم عم ابراهيم مشى لاخوه حسن في بيتهم و قعد معاه في الصالون واتونس معاه و رد ليه قال ليه موافقين نحن و علي ولدي و مرام بتكم و ما عندي ايي اعتراض لو حبيتو تعملو خطوه من هسه و يرتبطو بس ما حنقدر نعمل عرس و حفلات و امها لسه ما تمت السنه 😪
حسن اتبسط شديد و اتصل علي علي بالكاميرا و خلاه اتكلم مع عمه و سمع منه رده بالموافقه و بارك ليه ..
علي قال لعمه انا جاهز من كله و ما مشكله اصلا ما حقدر انزل اجازه نعمل العقد و نعمل العزومه غداء و العروسه تجيني
عمه وافق بالكلام ده و قال ليه ما مشكله بس اهم شي ما يكون في حفلات 💔
عم ابراهيم رجع للبيت و حكى لمرام الحصل كله و كانت موافقه على كل شي و اتصلت بمصعب كان شغال في الخط و حكت ليه الحصل ما قدر ياخد و يدي معاها في الكلام كان سايق .. وقال ليها برجع ليك ..
فعلا في وقت فطوره كان متأخر لبعد الضهر بعد صلى اتصل عليها و قال ليها الزول ده مستعجل كده ماله معقوله امي ما تتم السنه و تعملي عرسك يا مرام 💔 ما كان راضي نهائيا و رجع بدري و اتناقش مع ابوه مسافه لدرجة الجدال و كان حيتحول مشكله كبيره لو ما مصعب مسك نفسه و هداء و قال ليهم اعملو الدايرنه 💔 لكن اعرف يا ابوي اني ما راضي ماف داعي للعجله كان يتخطبو و تعرفه بنفع معاها ول لا هو كويس وايي شي بس ده زواج بختلف من التعامل العادي السطحي ..
وفعلا بداء التجهير للعرس في ظرف اسبوع العريس قدم الشيله للعروس و بدت حبستها و كانت تسنيم هي الجمبها لدرجه بتبيت معاها يضحكو و يتونسو تغير ليها مودها و فقد امها و تساعدها في كل شي ..
اهم شي لتسنيم بقت عندها جلسة ونسه في الليل لمن يرجع مصعب تحضر ليه العشاء كل يوم و تعمل ليه كبايه شاي و يقعدو يتونسو التلاته ..
تسنيم لاحظت لمصعب انه مهموم كيف و الحزن كاسيه كسي لمن ضعف و بقى ذابل و ما مهتم بنفسه كيف 😒
يوم ابوهم ابراهيم جايي داخل للمطبخ لقاهم فاتحين النور و قاعدين يتونسو و تسنيم تضحك مع مرام و مصعب بحكي ليهم في شي وهم يضحكو و يتريقو فيه ..
لمن شاف ابوه بكح وقف طوالي و قام علي ابوه بهمه و قلق 😳
: مالك يا ابوي الصحاك شنو في الليل كده ومالك بتكح كده
