مصعب ولمى رجعو في نفس يومهم لانه كان وقت متأخر وصلو صباح بدري لمن وصل بيته و دخل الناس دي كلهم في بيتهم و اخته اول ما شافته مشت عليه قلبها مقطووووع حضنته قووووي شدة ما بكت و وصفت بقى ما عندها صوت تتكلم حتى لمن شافها تقول دايره تموت شاحبه و ريقها ناشف
حكو لمصعب الحصل كله بالترتيب لحد ما رقدتو في غرفته و خلاص قفلنا البيت و نمنا صحيت الصبح اصلي قلتا اشوفه لقيته مافي الغرفه بقيت افتش عليه من ديك و لحد هسه
: في كاميرات شفتوها راجعتوها
: كاميرات وين ؟
: في مداخل الابواب مصعب مشى شاف الكاميرات يشوف جدو طالع و معاه وحده ماسكاه من يده و ماشي معاها بارادته ..
خلااااص دليل انه الزول ده اتخطف 💔 حتى الشرطه بدت تفتش و مسكت الموضوع تحقيييق مع مصعب انه عنده اعداء ول لا ..
مصعب قدر ما فكر ما شايف زول ممكن يكون عدو ليه شايلين النهار كله و اليوم انتهى لحد في الليل خلاص مصعب بدا ينهار كيف للوقت ده ما يتلقي
لمى قاعده في الكرسي خالفه رجلها و مكتفه يدينها و مغمضه من امس ما ارتاحو مجهود ذهني و بدني شديد ضغط عالي شديد احساسها بالذنب زي مصعب انها هي بقت في مكان امه 😓
مصعب داخل و مارق ما قادر يقعد فجأه وقت الجوطه دي ركز مع لمى حس انها ما حتتحمل الوضع ده و حتجيها النوبه في ايي لحظه مشى ليها قعد جمبها و بكلمها براااحه بهدوء بتصنعه عشان ما يوترها انها تدخل ترتاح مسكها من يدها قومها
البيت جايط كل غرفه فيها شي ول ناس حتى غرفة جدو اخرتها دخلها غرفته الخاصه في الطابق التاني المكان هادي ..
خلاها تغير و ترقد و تاخد الدواء لانها ما اخدته قعد في السرير جمب رجلينها ختاهم في رجلينه و سرحان و يمسجهم ليها بدون ما يحس لمى بتعاين ليه شكله يقطع القلب 💔
نزلت رجلينها و قامت قعدت جمبه حضنته مسااافه و تحسس ظهره : ان شاء الله حنلقاه يا مصعب ربنا يطمن قلوبنا و يرجعه لينا سالم : ان شاء الله ..انتي ارقدي ارتاحي ما تشيليني همك انتي التانيه اخدي راحه شويه و بعدين لو عايزه تنزلي انزلي انا قاعد تحت
مصعب نزل وما عارف يمشي وين ول يعمل شنو مشى تاني شاف الكاميرات مسااافه يشيل و يعيد في المشاهد .. يا ربي جعان ول شبعان خايف يكون حران ول بردان حي ول ميت فتح جواله بقى يتفرج في صوره وفي ضحكته
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
