نزلت لمى لابسه ملابس رياضيه و شايله شنطه و مشت للجيم اخدت وقت طويل و مصعب كان منتظرها بره ..
الوقت ده كله تسنيم تتصل علي مصعب و تسأله انت وين هسه ؟ كلمتا خالك ول لا ؟ لسه ما اتحركتو ؟ مصعب بتجي متين ؟ انت جايي ول لا يا مصعب 😢؟
وكل مره يطيب خاطرها بكلام و يهدي بالها و يصبرها لانه هو زاته ما عارف حيرجع متين وهل لو ربط خاله بم عد حيكون فاضي ليه في الموعد ده ول لمى عندها مرقه تاني بعد الجيم 😪
بعد كم ساعه حتى طلعت لمى و كان معاها عمر جر نور طويل في مصعب و ركب عربيته و مشى
لمى ركبت بوراء مصعب بعاين ليها بالمرايا كانت مبسوطه طلبت منه يمشو مكتبه مشت مكتبه طبعت ليها شيتات و منها مطعم شالت عشاء دلفري رجعت متأخره للبيت
دكتوره نهلة اتصلت بمصعب قالت ليه ممكن تخلي العربيه معاك عشان تقدر تمشي و تجي علي راحتك و تهتم بيها .. اها وكيف اول يوم ليك 😅؟
: والله تمام ماف ايي شي عادي تقريبا
: تقريبا دي وراها قصص يكون 😅
: لا ابدا خير ان شاء الله
: تسلم الله يديك العافيه تصبح علي خير
: وانتي من اهل الخير
مصعب يا دوبه استرخى .. طبعا كان متواصل مع خاله سايقه معاه لعمه وكل شويه يقول ليه لسه شويه و لسه شويه عندي مشوار تاني .. و تتصل عليه تسنيم برضو يقول ليها لسه ما خلصتا ولمن يكون سايق ما برد عليهم اصلا ..
آخرتها اتصل بخاله اعتذر منه انه ما قدر يجي يغشاه عشان يمشي معاه و معليش خلاه يرتبط بيه و مسك بيه زمن 😓
و اتصل علي تسنيم اعتذر ليها شديد قال ليها يا دوب انا راجع للبيت شوفي الساعه كم ؟ هل بعد ده اجي ادق الباب بالليل ده و عارف عمي بنوم بدري وازعجه حيطردني اكيد 😅
: خلاص للصباح ممكن
: يا بتي انا ٨ بكون في الشغل اجيه ٦ صباحا يعني
: اها يا مصعب متين بتجي
: اشوف يحصل معاي شنو بكره .. انا ما عايز من اولها كده اقول ليهم استأذن و كده الشغل يعني التزام
: ممم البت حلوه ؟
: مااا ركزتا معاها بت سليطه و لسانها اطول منها و ما عايز احتك بيها في موقف ولا اعاين ليها زاته اختها مدياني مقدمات عنها ..
: مالها يعني صغيره للدرجه دي هي
: ما صغيره ولا شي في الجامعه بتدرس طب لكن مدلعه مدلعه مدلعه لمن قرف نوع دلع مع قله ادب .. بتقطع فيني قدامي 🤣🤣🤣 بكل سخافة اتخيلي بس التشكيله الانا مضطر اتعامل معاها وتقولي لي حلوة 😠 لو كانت تاجوج حشوفها قرد
