قضى مصعب اصعب ايام تمر عليه الشي الوحيد الكان جميل في حياته و يروي عطشه للحياة و يظله في شمس هجير الظروف في لحظات فقده 💔 كسرته كانت قويه .. لخم نفسه بالشغل وحتى لو خلص ما برجع للبيت الا في آخر الليل عشان ما يحس بأيي شي بخص تجهيزات العرس الغناء و ريحة الدخان و صوتها وهي تتذمر ول بتبكي ول بحنسو فيها 💔 قلبه كان بتكسر ولمن تتصل عليه ما برد يااااااااما اطول صوت نغمه الاتصال و هو ماسك التلفون و يعاين لاسمها و رقمها (القنديله) كان بشاغلها دايما بتشبيه شفايفها بالبلح الاسمر الحلو في الشكل و اللون 💔
حرموني
حرموني منك ديل
كان شفتا الدموع بالليل
حزنان انا و عيان انا
ومعاي بكى المنديل
بالي العلي عكران
تعبان و جسمي هزيل
منعوني شوفة عيون
وخشمي اشتهى القنديل 💔
ما بحس بكل الحاجات دي الا يوم الجمعه لانه اجازه و مضطر يكون متواجد في البيت يرتب هدومه و يغسلها و يرتب البيت و ممكن يعمل لنفسه اكل و يتصرف و يحاول يرتاح لاسبوع مليااان تعب و مشاوير ما بتخلص مع لمى و صحباتها ..
بحاول دايما اثناء شغله ساكت و ماف ايي تفاعل مع ايي مشاكسات مع لمى ول صحباتها لانه بقى باقي روح بالذات كل ما الوقت يقرب لزفاف حبيبته 😞 حاسس روحه كل ما يقرب الوقت روحه بتتسحب منه و مزيد من الانكسار و الحسره ..
صوت الزغاريد زي جلد الصوت و مع الارهاق و السهر و الاكل الما منتظم و النفسيات مصعب تعب تاني و كان باقي للعرس يومين و من دون خِشى عمه حسن و جعفر جو و عزموه و قالو ليه القسمه ما ادتك و ربنا ما اراد العقد يوم الخميس و العروس حتسافر يوم الجمعه للسعوديه ..
تسنيم كانها ماشه للموت كل شي بتعمل فيه غصبا عنها رغم المغريات الجابها العريس و واعدها بيها و نزل مخصوص عشان يحضر العرس و العقد ..
كانت شهر كااامل ما شافت مصعب ول سمعت صوته و ما عارفه البيه من يوم ما شافت نهله بتسند فيه و حست انه خلاص بقى ما حقها ولا ليها ديل هم الاقرب ليه منها 💔 حست لازم تقابله لازم تودعه لازم توضح ليه انها مجبوره ما علي كيفها ..
في غفله من اهلها لملمت كل الجرأه و لبست توبها الهزاز و اتبلمت كلها ما ظاهر الا عيونها و طلعت بالليل و مشت فتحت الباب و دخلت بيت ناس مصعب و قفلته وراها و مشت عليه في صالون ابوه لقته راقد و النور مطفي مشت عليه قعدت جمبه في طرف السرير و حاولت تصحيه الزول كان محمووووووم لمن برجف من القشعريره بقت تعاين ليه و تبكي و تتمعن في شكله بباقي ضو داخل بالباب من الحوش من غير ما تحس لقت نفسها بتتكلم معاه
: مصعب حبيبي كيفك مشتاقه ليك ولي صوتك انا ما عارفه كيف حكون معاه انا خايفه اظلمه انا ما حقدر اعيش عادي يا مصعب 😭 حبيبي الله يرزقك و يديك العافيه و يقويك و يقويني على ما ابتلانا
تسنيم دموعها نازله و انفاسها حااااره طالعه من صدرها ..
