نعيم الدنيا ❤️

29

🔞🔞🔞

ريل مصعب رجع بعربيه خلاها براها مع المجموعه يرجعو وقت ما يرجعو 😠

رجع للفندق اول شي عدل وقت سفره اليوم التالت اختصره بالنهار بس و خلى سفريته للامارات في نفس اليوم مساء عدل حجوزاته و دفع الفروقات ..

الوقت كان متأخر ما حب يتصل بي لمى احتمال تكون نايمه و يزعجها 😓 دخل للواتس اتفاجاء لقاها اونلاين 😑 حس بضيق شديد زياده لمن قلبه بقى يوجعه بدا يضرب صدره مسافه و يتنفس بعمق .. رسل ليها

: بيبي

لمى ما ردت عليه اتصل عليها ماسنجر لقى مشغوله بمكالمه اخرى .. هنااا قفلت فيه شديد حس الشك دخل قلبه مهما صفى نيته ابت تصفى حس انه ما بعرفها المعاه شخصيه و الحقيقه شخصيه تانيه هو ما بعرفها 😔 حصل فيها شنو في ال ٦ سنوات الاتفارقو فيها من بعض
كلام ريل لافي في راسه كيف اعتدو عليها وهي كانت في اول لقاء ليهم مع بعض عذراء 😕
هل الحصل و قالته ريل تاليف منها .. بس احوال لمى بتدل على انه الحصل حقيقه بالذات ردة فعل لمى لمن سمعت قصص الاعتداءآت للبنات وريل عارفه تفاصيل التفاصيل في علاقة مصعب مع لمى الخاصه 💔 كيف قادره تحكي اسرار زي دي لايي زول
كائن من كان 😓

تاني حاول يتصل عليها مشغول الخط آخرها اتصل بيها مكالمه دوليه 😠

: الوو حبيبي

: مشغوله مع منو انتي في الوقت المتأخر ده و المصحيك شنو اصلا 😠؟

: مصعب مالك .. براحه ..

: ما رديتي علي سؤالي لمى

: بطريقتك دي ما حرد عليك 🙂 اهداء شويه

: لمى مشغوله مع منو ؟ كده كيف كويس هديت اهو اتكلمي

: مع نهله كنتا

: اكيد حتقولي لي مع نهله 😏 ده المتوقع

: يعني متوقع حقول ليك مع منو ؟ مصعب مالك ..انا الاهيج كده ما انتا .. هسه عشان ما نخبط بعض بالكلام و بكره نزعل من بعض اخير نختصر المكالمه دي احسن

: قطعتا ليك مكالمتك ((مع نهله)) دايره تقفلي مني عشان ترجعي ليها 😠 واقسم بالله و اقسم بجلال الله يا لمى يطلع كلامك فيه غلطه في حرف واحد من القلتيه لي ما ح ارحمك

: بديت التخبيط خلاص انت مالك هايج هسه يا مصعب .. لا يعني في شنو ؟ انا بغير لانه معاك شيطانه انت ليه غيران و بتحسسني انك شاكي فيني ليه كده 😤 انا حصور ليك الشاشه حقت المكالمه مع نهله وشوف انت براك الوقت الاتصلتا فيه ولقيتني مشغوله عشان اقصر الحجه دي و الكلام الفارغ الما بحب احسه منك 😓و الله ما ناقصه احساس زي ده انا الفيني مكفيني .. تصبح علي خير يا مصعب

مصعب قفل الخط و بقى يضرب في السرير بقوه و يحك شعره بيدينه و دقنه بتوتر عجيب غريب و يشيل نفس و يخت نفس و صدره لمن واجعه و بدا يحس الدنيا لافه بيه و شايف اسود و ما قادر يسيطر علي نفسه لدرجه وقع من السرير في الارض و ما قادر يقيف شد سلك التلفون رماه في الارض و اتصل ع الاستقبال برقم 0
بتكلم معاهم وضح ليهم بحالته في ظرف ربع ساعه جابو الاسعاف و شالوه للمستشفى كان واعي لكل شي حاصل لكن في عدم تركيز و تشتت ذهن ..
في المستشفى دخلوه للطوارئ و الدكتور عمل ليه فحوصات شامله كامله .. صدره و رئتينه ١٠٠% دمه قوي كويس صور للمخ مقطعيه ماف ايي سبب .. مشكلته ضربات قلبه غير منتظمه ابدا هي العامله كل الدربكه دي ما بتوصل الدم للمخ برتم طبيعي يا زياده يا انخفاض بالتالي بتعمل انخفاض في الضغط و بتسبب ليه الاغماء ده .. طلب الدكتور يعمل ليه جهاز مثبت يحدد قراءه دقيقه لمده ٤٨ ساعه للقلب ..
مصعب قال للدكتور انه هنا في زيارة عمل ان شاء الله ح اعمل الفحص ده اول ما ارجع للامارات ..
خلوه رقد للصباح تابعوه و استأذن الدكتور لازم يطلع يرجع للهوتيل لانه عنده عمل مهم و اجتماعات .. الدكتور قال ليه شكلك مضغوط شديد لازم تخفف الضغط علي نفسك و تخت صحتك في المقام الاول . . واحتمال حالتك النفسيه برضو تكون سبب بالذات لو من النوع البتكتم الضغط و الغضب و ممكن يتحول لمرض قلب لا سمح الله