بعد سفر ميمي و تسنيم البرامج بقت ماف و الزيارات قلت شديد و مصعب دبر لجعفر وظيفه كويسه جدا و بقى كل زول مشغول بحياته .. لمى معاها نهله جمبها و مسانداها و معاها ابوها .. يوم نهله جات ليها قالت ليها قومي البسي يله معاي .. ساقتها خلتها اشتركت في صالة رقص شرقي 💃🏽 لمى اول ايامات زهجت من نهله و دي شنو العواره دي ده الفضل ارقص شرقي انا بكرهه و ذكرياتي معاه زفت الزفت لكن لمن بدت تمشي و بدت التدريبات حست بانها فعليا مرتاحا بتعبيرها و بالحركات بطلع اي طاقه سلبيه و بكون بعد الكلاس مرتاحه و خفيفه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
(
باين عليك مرتاحه انتي مع الزمان ما توحي لي انك حزينه في دنيتك غدارة لعبت بيك كمان انا يوم عرفتك كنت فاكر القى في جمبك أمان يجمعنا قاسم مشترك ما كنت قايل الريد شرك ومعاركه في غير معترك ونعاني بعد الريد هوان 💔))
نهله كل يوم و التاني بتجي تزورهم بعد تخلص شغلها نزلت للمستشفى بتحي تونس لمى شويه بقت تسألها كيف عامله مع كلاسات الرقيص لسه ما بقيتي صافيناز ؟🤣🤣🤣
: يعني بس برضو زفت ورغم الزفت بعبر بالجواي بقلة ادب 😅😅😅
: عشان زفت الزفت دي بس اكسري الحاجز ده و فضفضي وعبري بالرقص و الدكتوره بتسالني منك كل شويه خجلتا منها لازم تواصلي البديتيه و الدنيا ما انتهت بمصعب انتي عمرك كم ٢٦ سنه قدامك الحياه كلها ان شاء الله اتخطيه يا لمى وده تحدي لازم تتخطيه هسه الليله تميتي شهر من ما طلعتي من بيته من دون خجله تلفون لبابا ما دقاه عشان يسأل منك و انا ما سألني بياتو وش لكن يسألنا ول يظهر الخايب بتاع النسوان .. عارفه انا لو محلك اتطلق و يله حاتم جاهز اهريه خليه يطرشق 🤣🤣🤣🤣🤣
: سبحان الله يا نهله التاريخ بعيد نفسه كل مره 💔 الاولى ظلمته لكن المره دي معاي حق صاح ؟
: والله انا مااا سمعتا تبريره شنو لكن من كلامك الزول ده عامل عمله . . احييي كان لميت فيه بدقه ليك دق العيش 😅
: 🤣🤣🤣🤣🤣🤣🤣 بحبك نهله انا زاتي ما بقصر منه لو لميت لكن ما تدقيه شديد مسكييين 😅
: لا بدورك لا بحمل بلاك ارسي ليك علي بر ٠٠ ايوه كده اضحكي حبيبتي الدنيا بتضحك ليك يا سكره
