THIRD PERSON POV
Paikot-ikot si Kitten sa sala sa loob ng apartment ni Marcus habang hinihintay ang kanyang amang makauwi. Hindi siya makapaghintay na malaman kung natanggap ito bilang delivery boy ng Yessa's Sweets Shop. Ang bakeshop na ang owner ay walang iba kundi ang dati niyang kaibigan na ngayon ay mortal na niyang kaaway na si Yessa.
Kagabi ay nagulantang si Kitten nang ibalita ng kanyang ama na mag-a-apply daw ito ng trabaho sa Yessa's Sweets Shop. Parang gustong magpanting ng kanyang tainga pagkarinig sa pangalan ng bakeshop na iyon na binanggit ng kanyang ama kagabi.
Tandang-tanda pa ni Kitten ang eksena sa loob ng apartment ng kapitbahay na si Rowena kagabi. Si Rowena ang gurong kapitbahay ng kanyang amang si Marcus. Nililigawan din ito ng kanyang ama.
Niyaya ni Rowena sina Kitten at Marcus na sa apartment na nito maghapunan kagabi. Kasama ring naghapunan nina Kitten, Marcus, at Rowena ang kapatid ni Rowena na si Xavier, ang lalaking nakabunggo kay Kitten sa mall na naging dahilan para tumapon ang kanyang hawak na milk tea sa kanyang suot kahapon.
Marcus: Kitten, bukas nga pala ay mag-a-apply ako ng bagong trabaho. Ipagdasal mong matanggap ako.
Tumango si Kitten sa sinabi ni Marcus, pero nakasulyap kay Xavier. Nang lumingon si Xavier sa gawi ni Kitten ay dali-daling umirap si Kitten sa lalaki.
Kitten: Uhm... Sa-saan po kayo mag-a-apply, Daddy?
Nagtanong lang talaga si Kitten para alisin ang pagkapahiya sa sarili rahil nahuli siya ni Xavier na nakasulyap dito.
Marcus: Sa Yessa's Sweets Shop.
Nagulat sina Marcus, Rowena, at Xavier nang biglang naibuga ni Kitten ang mga pagkaing nasa loob ng kanyang bibig.
Marcus: A-ayos ka lang ba, anak?
Nanlalaki ang mga mata ni Kitten na humarap kay Marcus.
Kitten: Sa-saan po ulit?
Kumunot ang noo ni Marcus at muling sinabi ang pangalan ng shop kung saan ito susubok na mag-apply ng trabaho.
Marcus: Yessa's Sweets Shop.
Marahas na napahugot ng malalim na paghinga si Kitten at dali-daling inabot ang isang basong tubig na nakalaan para sa kanya. Inisang lagok iyon ni Kitten.
Hindi makapaniwala si Kitten na mag-a-apply ng trabaho ang kanyang ama sa bakeshop na ang owner ay ang magaling niyang kaibigan na si Yessa. Oh well, ex-friend. Friendship over na sila mula nang mangyari ang insidenteng iyon ilang taon na ang nakalipas.
Hindi lang iyon. Si Yessa rin ang babaeng nakita ni Kitten na kahalikan ng kanyang boyfriend na si Enrique few days ago. Lalong liliit ang mundo nilang dalawa kapag nagtrabaho na ang kanyang ama sa bakeshop ni Yessa.
Nag-aalalang tiningnan ni Marcus si Kitten.
Marcus: Ayos ka lang ba, Kitten?
Pabagsak na ibinaba ni Kitten sa ibabaw ng dining table ang baso ng tubig. Hinahabol pa niya ang kanyang paghinga na animo ay hinabol ng sampung kabayo.
Kitten: Ye-yeah. I-I'm fine. Medyo, ano, uhm, napagod lang po ako siguro. Kasi...
Biglang tumigil sa pagsasalita si Kitten nang muli na naman siyang napatingin kay Xavier. Bumalik na naman ang inis niya rito.
Kitten: Tama. Napagod siguro ako rahil na-stress ako nang matapunan ako ng milk tea kanina.
Tumalim ang tingin ni Kitten kay Xavier bago ito inirapan.
BINABASA MO ANG
Daddy, Patikim...
General FictionSi MARCUS QUIJANO, iniwan ng asawa rahil sa isang pagkakamaling hindi niya kontrolado. Isang Daddy na hahangaan ng maraming babae ngunit sa huli ay isa lamang ang magwawagi. Sino ang mas may karapatan? Ang babaeng inakala niyang anak niya ng napakar...
