မင်ယွန်းဂီမှာ သွေးစို့တက်ကာ နာကျင်နေသည့်လက်မောင်းကို ဖိကိုင်ထားရင်းပင် သူရှိရာသို့ ဦးတည်လာနေသည့်မိစ္ဆာကြောင့် ကြောက်လန့်တကြား နောက်သို့ဆုတ်ခွာမိပါတော့၏ ။ သူ၏မျက်နှာသည် အထိတ်တလန့်ဖြစ်မှုတို့ကြောင့် ပြူးကျယ်ဝိုင်းစက်နေကာ ငိုတော့မလိုပင် ။ ဂျွန်ဂျောင်းဂုသည် ဓါးအား ဝင့်ကာ မိစ္ဆာအား ခုတ်ချရန် ပြင်လိုက်ပါသော်ငြား မိစ္ဆာသည် ရုတ်ချည်းပင် သူ့ဓါးချက်အောက်မှ တိမ်းရှောင်ကာ ထွက်ပြေးသွားလေ၏ ။ သူသည် ဓါးအား အမြန်ဦးတည်ချက်ပြောင်းလိုက်ရလေသည် ။
ရေထဲသို့ ပြုတ်ကျသံကို ကြားလိုက်ရသောအခါ၌ မိစ္ဆာသည် ပင်လယ်ထဲခုန်ချကာ ထွက်ပြေးသွားပြီမှန်း သူ သိလိုက်ရပေသည် ။ သူသည် အပြေးအလွှားသွားကာ အောက်သို့ငုံကြည့်လိုက်သော် ရေလှိုင်းများ ပွက်ထနေပါ၏ ။
" မြန်မြန်...ကမ်းခြေကို ပြန်ကပ် "
ယခုမှ မိစ္ဆာကို ရေထဲဆင်းရှာလည်း မတွေ့နိုင်တော့ရာ ကမ်းကပ်ဖို့ကိုသာ လုပ်ဆောင်ရမည်ပင် ။ အခြေအနေတွေသည် သူ တွေးထင်ထားသည့်ထက်ပင် ပို၍ ရှုပ်ထွေးနေပါ၏ ။
မင်ယွန်းဂီလေးမှာ ယိုင်လဲကျတော့မည့် ခြေထောက်တွေကို ထိန်းကာ မတ်မတ်ရပ်နေရသည် ။ မြန်ဆန်နေသည့်နှလုံးခုန်နှုန်းတွေကြောင့် သူ့ခင်မျာမှာ အသက်ရှူသံတွေ ပြင်းထန်နေရကာ အသက်ရှူမှားမတတ်ပင် ။ မည်သို့ပင်ဆိုစေ သူသည် သေကံမရောက်ဘဲ အသက်ဘေးမှ သီသီလေး လွှတ်လာနိုင်သေးသည်ပင် ။
" အဆင်ပြေရဲ့လား "
ဂျွန်ဂျောင်းဂုအား မြင်သော် သူသည် စိတ်တင်းထားသမျှ လျော့ချကာ ခေါင်းခါပြလိုက်သည် ။
" အခု အကုန်အဆင်ပြေသွားပါပြီ "
ဂျွန်ဂျောင်းဂုသည် သူ့၏စိုးထိတ်နေဆဲဖြစ်သည့်မျက်ဝန်းအစုံတို့အား စိုက်ကြည့်ရင်း နှစ်သိမ့်ပေးလာ၏ ။ ထို့နောက် အင်္ကျီအတွင်းမှ လက်ကိုင်ပုဝါဖြူလေးအား ထုတ်ယူလာပြီးသော် သူ့လက်မောင်းရှိဒဏ်ရာထက်သို့ စည်းနှောင်ပေးလာ၏ ။
YOU ARE READING
IN THE DARKNESS
Fanfictionဘဝကြီးကို အေးဆေးတည်ငြိမ်စွာ ဖြတ်သန်းနေခဲ့သည့်သူ...ကံဆိုးမိုးမှောင်ကျပြီး အသက်အန္တာရာယ်နှင့်ဆိုင်သည့်မတော်တဆမှုတစ်ခုနှင့် ကြုံတွေ့လိုက်ရပြီးနောက်... မတူညီကွဲပြားသည့်ကမ္ဘာသစ်တစ်ခုဆီမှာ ပြန်လည်ဝင်စားသွားခဲ့တယ် ။ နောက်ပြီးတော့ရော... " အရာအာ...
