IN THE DARKNESS

Episode [ 19 ]

နောက်တစ်​နေ့၏ နံနက်ခင်းတွင်​တော့ မင်အိမ်​​တော်၏အိမ်​ပေါက်ဝသို့ မဖိတ်​​​ခေါ်ထားသည့်ဧည့်သည်​တော်များ ​ရောက်ရှိလာ​ပေသည် ။ ​​ချိုသာသည့်အပြုံး​တွေဆင်မြန်းထားကြသည့်ရှင်းမိသားစုသည် မင်အိမ်​တော်၏ပင်မ​ဆောင်၌ ခန့်ခန့်ညားညားကြီး ထိုင်လို့​နေပါ၏ ။ သခင်ကြီးနှင့်သခင်မကြီးသည် ယခုလို ရုတ်တရတ်ကြီး ​ရောက်ချလာပြီး အဖိုးတန်လက်​ဆောင်ပစ္စည်းများ ယူ​ဆောင်လာသည့်ရှင်းမိသားစု၏
လုပ်ရပ်အ​ပေါ် အလုံးစုံ နားလည်ခြင်းမရှိ​သော်ငြား သူတို့သည် ပျူငှာစွာ ဧည့်ဝတ်​ကျေပွန်ဆဲဖြစ်သည် ။ မင်ယွန်းဂီသည် အမတ်ရှင်းနှင့်ရှင်းက​တော်အားလည်း​ကောင်း၊ ရှင်းနာယွန်းအား လည်း​ကောင်း တစ်လှည့်စီ ​ ခေါက်တုံ​ခေါက်ပြန်ကြည့်​နေသည်မှာ အူ​ကြောင်ကြား​လေးအတိုင်းပါပင် ။

" ရုတ်တရက်ကြီး ​ရောက်လာရတာ အားနာပါတယ်ဗျာ "

အမတ်ရှင်းက ဦးစွာ ဆိုလာသည် ။

" တတိယသခင်​လေးကို ​ကျေးဇူး​တင်ချင်လွန်းတာ​ကြောင့် ကိစ္စ​တွေပြီးပြတ်တာနဲ့ ချက်ချင်းလာ​တွေ့တာပါပဲ "

သူ့ဖက်သို့ နှစ်လိုဖွယ်​ကောင်းစွာလှည့်ပြုံးပြလာသည့်အမတ်ရှင်းအား မင်ယွန်းဂီသည် မ​ကောင်းတတ်သည့်နှယ် ရယ်ပြလိုက်သည် ။

" ကျွန်​တော့်သမီး​လေးမှာ တတိယသခင်​လေး​ပေးတဲဲ့အသက်ပဲ ရှိပါ​တော့တယ် ။ ကျွန်​တော့်သမီး​လေးကို ​စောင့်​ရှောက်​ပေးတဲဲ့အတွက် ​ကျေးဇူးတင်ပါတယ် ။ ဒီ​ကျေးဇူး​ကြွေးကို တစ်သက်လုံး မ​မေ့ပါဘူး "

မင်ယွန်းဂီသည် ဇ​ဝေဇဝါဖြစ်လျက် ​ခေါင်းခါပြလိုက်သည် ။

" အဲ့​လောက်ထိ မလိုပါဘူး ဗျ ။ ပြီး​တော့ သခင်မ​​လေးရှင်းကို ကယ်ခဲ့တာကလည်း ကျွန်​တော်ပါ​ရောပါ​နေတာ​ကြောင့်ပါ ။ တကယ်ဆို ​ခေါင်း​ဆောင်ဂျွန်တို့ဘူလ်ယုံးတပ်ကိုသာ ​ကျေးဇူးတင်ရမှာပါ "

အမတ်ရှင်းမိသားစုသည် သူ့အား နူးညံ့စွာကြည့်ရှုလာကြသည် ။

" ​အဲ့လိုဆိုရင်​တောင်မှပဲ တစ်​ယောက်တည်းကိုယ်လွတ်ရုန်းရရဲ့သားနဲ့ သမီး​လေးကိုပါ ကယ်ခဲ့တာပဲ မဟုတ်လား ။ တတိယသခင်​လေးမင်က ကိုယ့်ကိုကိုယ် နှိမ့်ချလွန်းအားကြီး​​နေပါပြီ ။ ခေါင်း​ဆောင်ဂျွန်အတွက်ကို ကျွန်​တော်တို့ စီစဥ်ထားပြီးသားပါ ။ အဲ့အတွက်လည်း စိတ်မပူပါနဲ့ဗျ "