រឿង_គុំនំសងស្នេហ៍

ភាគ1

ចាប់ផ្ដើមដំបូងនៃសាច់រឿង យេីងក៏បានអោយដឹងថានៅលេីអគារដ៏ខ្ពស់មួយ កំពុងតែមានមនុស្សអ៊ូអរខ្លាំងណាស់ នៅខាងក្រោមនៃអគារក៏ដូចគ្នា ព្រោះថានៅពេលនេះដែរ មានមនុស្សស្រីម្នាក់វ័យ25ឆ្នាំបានឈរនៅជ្រុងដែរគ្រោះថ្នាក់បំផុតនៃអគារ ក្នុងបំណងចង់ហក់សម្លាប់ខ្លួននោះឯង។

"នាងឡប់សតិទេឬយ៉ាងមិច?ឆាប់ចុះមកវិញភ្លាមមក តិចបានងាប់បាត់ទៅ!!" សម្ដីបុរសវ័យរាងចំណាស់ម្នាក់និយាយដោយសម្ដីកំហកៗ ហេតុនេះប៉ូលីសនៅក្បែរនោះក៏បានសម្លឹងមកមេីលគាត់គ្រប់គ្នា

"លោក...បេីមិនជួយកុំមកចាក់ស៉ាំងថែម!" ប៉ូលីសម្នាក់និយាយ

"ហេីយវាយ៉ាងមិច?តួនាទីឯងជាប៉ូលីសសង្គ្រោះ...មិចក៏មិនឆាប់ចូលទៅចាប់នាងទៅ ដឹងទេបេីនាងធ្លាក់ចុះទៅក្រោម ក្រុមហ៊ុនមួយនេះនឹងមានការធ្លាក់ចុះភាគហ៊ុនយ៉ាងច្រេីន!" បុរសដដែលនោះនិយាយបន្ថែម លឺចឹងប៉ូលីសមុននោះគឺពិតជាមិនដឹងធ្វេីយ៉ាងមិចទៀតនោះទេ

រីឯអ្នកផ្សេងទៀតក៏មិនសូវខុសពីគាត់នោះដែរ ម្នាក់ៗមិនបានជួយអ្វីនោះទេ ក្រៅពីឈរនិយាយខ្សឹបខ្សៀវពីនេះពីនោះ បេីអ្នកខ្លះទាំងជេរទៅកាន់មនុស្សស្រីម្នាក់នោះទៀតផង ហាក់ដូចជាគ្មាននរណាម្នាក់ស្រឡាញ់ចូលចិត្តនាងម្នាក់ឡេីយ។

"ខ្ញុំប្រឹងប្រែងធ្វេីល្អណាស់ហេីយ...មិចក៏ពួកអ្នកទាំងអស់គ្នានៅតែធ្វេីបាបនឹងស្អប់ខ្ញុំទៅវិញ?!!" មនុស្សស្រីដែរបម្រុងហក់ចុះពីលេីអគារនោះក៏ស្រែកសួរទៅកាន់អ្នកគ្រប់គ្នាទាំងទឹកភ្នែកពោលពេញដោយភាពឈឺចាប់
"បាន...ចង់អោយខ្ញុំចេញអោយបាត់ពីនាក់ទាំងអស់គ្នាណាស់មែនទេ?ចឹង...សង្ឃឹមថាអ្នកគ្រប់គ្នានឹងសប្បាយចិត្តនៅពេលនេះ!" ថាចប់មិនទាន់នោះទេមនុស្សស្រីម្នាក់នោះក៏បានទម្លាក់ខ្លួនចុះទៅ

ហេតុនេះធ្វេីអោយមានការភ្ញាក់ផ្អេីលជាខ្លាំង ម្នាក់ៗសឹងមិនជឿនឹងភ្នែកខ្លួននោះទេ។ក្នុងអំឡុងពេលដែរនាងបានធ្លាក់ចុះ នាងបានបិទភ្នែកស្រមៃឃេីញនៅរឿងគ្រប់យ៉ាង មិនថាពេលគេបោកប្រាស់នាង គេធ្វេីបាបនាង គេទម្លាក់កំហុសមកលេីនាង ឬសូម្បីតែគេវាយដំធ្វេីបាបនាង ព្រោះតែនាងជាក្មេងកំព្រា មានរូបរាងមិនសូវស្អាតមិនមានលុយដូចជាពួកគេនោះឯង។
________________________