သီချင်းသံတွေနဲ့ဆူညံနေတဲ့ "Heaven"ဘားမှာ သောက်စားပျော်ပါးနေကြတဲ့ လူငယ်တွေ။Dancing floorမှာတော့ မလုံတလုံဝတ်ထားတဲ့ ပျိုမဒီလေးတွေက အမျိုးသားထုကြားထဲ ပွတ်သီးပွတ်သပ်လုပ်ကာ ,ကောက်ကြောင်းလှလှလေးကို ပေါ်လွင်အောင် ကပြနေသည် ။
မရောက်တာကြာပြီဖြစ်လို့ ခြေစုံချရပ်လိုက်တဲ့ ဂျေ ကမူပိုင်ပုံစံအတိုင်းမျက်နှာထားတည်တည်ဖြင့်ဝင်သွားသည်။သူ့ကိုတွေ့တော့ ဝန်ထမ်းတချို့က အံ့ဩဟန်ဖြင့် ပါးစပ်အဟောင်းသားနဲ့ ငေးကြည့်နေကြတယ်။
အထဲကိုေရာက်ေတာ့ ဂျေ လည်းမျက်လုံးကစားလိုက်ပြီး ဘော်ဒါအဟောင်းတွေကိုတွေ့တော့ ခြေလှမ်းကျဲကြီးဖြင့်သွားလိုက်သည်။
*ဂျောင်ဂု ဘယ်မှာလဲဆိုတာ သိလား..!*
*........*
*ပြူးကြည့်မနေနဲ့ ငါဂျေဘဲ...*
*ဂျေ...မင်း ဘယ်လိုလုပ်....*
*သစ္စာဖောက်သူငယ်ချင်းတွေ ..!ငါ့ကိုနည်းနည်းလေးတောင်စိတ်မပူဘူးမလား......*
အရှိန်ကောင်းနေတဲ့ သူငယ်ချင်းတွေကသူ့ကိုတွေ့တော့ မျက်လုံးအဝ်ိုင်းသားဖြင့် ကြောင်ကြည့်နေကြသည်။ ဂျေ ကမျက်မှန်ကိုချွတ်ကာ စားပွဲပေါ်ပစ်တင်လိုက်ပြီး မဲ့ပြုံးလေးဖြင့် ပြောလိုက်သည်။
အရင်အတိုင်းပါဘဲ သူ့အပေါင်းသင်းတွေက အသောက်စားကိုခုံမင်နေကြတာ။ ဘေးနားမှာလည်း မဒီအလန်းလေးတွေ ဝိုင်းဝိုင်းလည်လို့။
ဂျေက အကြည့်စူးစူးဖြင့် အားလုံးကိုစိုက်ကြည့်လိုက်တော့ အပြစ်ရှိသလိုမျက်နှာထားဖြင့် လေချိုသွေးလာကြသည်။ကိုယ်ဒုက္ခရောက်တဲ့အချိန် ဘေးနားကနေမထွက်သွားဘဲ အတူရှိပေးနေတာကို သူငယ်ချင်းကောင်းလို့ခေါ်တယ်။
ရှိတုန်းကတော့အတူတူစားသောက်ကြပြီး မရှိတော့မှ ဖယ်ခွာသွားကြတာ သူငယ်ချင်းကောင်းမဟုတ်ဘူး။အဲတာ သာပေါင်းညာစားလို့ခေါ်တယ်။
*မဟုတ်တာဘဲ ဂျေရာ။ငါတို့မှာ မင်းသတင်းကိုအမြဲနားစွင့်နေတာပါ ။အီတလီ ရောက်သွားပြီးရုတ်တရက်ပျောက်သွားတော့ ငါတို့လည်းဘယ်ကိုလိုက်လို့ လိုက်ရမှန်းမသိတာနဲ့......*
