Come across (Completed)

(Part 19)

ရက်တွေကတစ်ရက်ပြီးတစ်ရက်ကုန်ဆုံးလာခဲ့တယ်။ကြားထဲမှာ ဂျူး လဲ အိမ်ကို အလည်လာ‌ေတာ့ မန္တလေးမြို့ထဲ လျှောက်သွားကြရင်း နေ့ရက်တွေကုန်ဆုံးနေလိုက်တယ်။မ ကိုလဲ ပုံလေးတွေအမြဲပို့ပေးနေပြီး မ ဆီကနေလဲ ပုံလေးတွေအမြဲလက်ခံရ‌တယ်။ဖူးမ နဲ့လဲ စာအဆက်အသွယ်အမြဲရှိတယ်။သူကတော့ အိမ်ရောက်တော့ အိမ်တွင်းပုန်းလေးလုပ်နေသတဲ့လေ။ဒီလိုနဲ့ပဲ မြန်မာတို့ရဲ့နှစ်သစ်ကူး သင်္ကြန်ကို ရောက်ရှိလာတော့မယ်‌။

ဧပြီလ 12 ရက်နေ့က ခြူး သိပ်ချစ်ရတဲ့ မမ ရဲ့မွေးနေ့လေးလေ။ခြူး က မွေးနေ့လေးမှာ မမ နဲ့တူတူရှိပေးချင်ပြီး သင်္ကြန်ကိုတူတူဖြတ်သန်းချင်တာပေါ့‌။ဂျူး ကိုပြောပြတော့ ဂျူး လဲ သဘောတူတယ်။ခက်တာကခြူး  အိမ်က လွှတ်ပါ့မလားပေါ့။ခြူး လဲမိဘတွေကို မမ ရှိရာမြို့လေးသို့ အလည်သွားချင်သဖြင့် ပူဆာနေလိုက်သည်။အစကတော့ ခွင့်မပြုပေ။ဂျူး လဲလိုက်မည်၊ပြီးတော့ မြတ်မရာအောင် ဆီဆိုတော့ ခွင့်ပြုလိုက်လေသည်။

သို့ဖြစ်၍ဂျူးနှင့်တိုင်ပင်ကာ မ မြို့လေး ဆီရောက်သည့်နေ့ကိုတော့ ဂျူး သူငယ်ချင်းတစ်ဦးရဲ့အိမ်မှာအိပ်မည်ဖြစ်သည်။မွေးနေ့အတွက် ကိတ်မုန့်နှင့်ပန်းစည်းလေးကိုလဲဂျူး သူငယ်ချင်း က တာ၀န်ယူကာ မှာပေးမည်ဟု ပြောသဖြင့်အဆင်ပြေသွားသည်။

ပါမစ်ရပြီးတော့ 10 ရက်နေ့ကို သွားရန်ပြင်ဆင်လိုက်သည်။မမ ကို အံ့ဩစေချင်၍ ကြိုလဲပြောမထားပေ။10ရက်နေ့ မနက်ခင်းကနေ ကားစီး လာခဲ့ရာ နေ့ခင်းဘက်တွင် ထမင်းစားတစ်ထောက် နား၍ ဆက်လက်မောင်းနှင်လာခဲ့ရာ ညနေပိုင်း တွင်တော့မမ ရှိရာမြို့လေးဆီသို့ ရောက်လာခဲ့ပြီလေ။တစ်လမ်းလုံး ရင်ခုန်စိတ်လှုပ်ရှားစွာဖြင့် လိုက်ပါခဲ့ပြီး မမ နဲ့တွေ့ရဖို့အရေး တွေးပျော်နေမိသည်။ဂျူး ကတော့ ကားမူးသဖြင့် တစ်လမ်းလုံးဆေးသောက်ကာအိပ်လိုက်လာလေသည်။

မြို့လေးရဲ့အ၀င်၀ က စိမ်းလန်းစိုပြေကာ အုံ့အုံ့မှိုင်းမှိုင်းဖြင့် လွမ်းစရာအတိ။သင်္ကြန်ကာလနားနီးလျှင် မိုးရွာတတ်သဖြင့် မိုးကောင်းကင်မှာလဲ ညို့မှိုင်းမှိုင်း ဖြစ်နေသော တိမ်စိုင်လေးများက ဟိုတစ်စ၊သည်တစ်စ။ ည‌ေနပိုင်းမို့လဲထင်ပါ့။ကားဂိတ်မှ အ၀တ်အိတ်‌ေလးကို ဆွဲကာ ဆင်းတော့