صلاح بنفس نبره الكواريك :ايييي يا رحيق الدنيا اتقلبتتتت...اديتي البتتتتتت شنوووو بلعتوووو انطقيييي
رحيق ضحكت ليهو بإستفزاز و قالت ليهو حاجه خفيفه كدااا تظبط ليها راسها... عشان تليق بي مقامك..وتبقا من نفس القالب بتاعنا الاتنين..
صلاح ضغط على اسنانو وقال ليها دا ما وقت حقدك عليّ يا رحيق..البت اذا مفعول الحبه انتهى حتتعب شديد و ابسط شي حيودوها اقرب مستوصف وحيكون واضح زي عين الشمس انها اخدت حبه مخدره.. انتي واعيه انو انتي حاليا في وش المدفع!! و حتجيبي لينا الهواء و في الفتره دي بالزات نحن تحت الانظار و ما ناقصين غلط تافهه زي دااا منك...ابوي لو عرف حيقطعععع رقبتك ورقبتي لانو حزّرْني و حزرك اكتر من زفتين الف مره....
ردت ليهو رحيق بخوف : اتصرف طيب يا صلاح اعمل اي حاجه قبل خالي يعرف...صلاح قال ليها عايزاني اعمل شنو مثلاااااااا؟ اااااا كان تحسبي حساب خالك قبل تتزفتي و تعملي عمله زي دي انا كان مالي و مال براءه ولا زفت ياااخ... المهم هسي انا جاتني فكره... انا حاليا بحاول اسوط ليها الحبه في اي حاجه واديها ليها كل مره في الفتره الحتشتغل فيها معاي في الصيدليه ...
رحيق:طيب و بعد توقف الشغل يا ذكييي!! ...
صلاح : وعندك عين تتظارفي! ماف غير حل واحد بس.. رحيق قال ليهو طيب ما تحلها و تخلصنااا... قال ليها الحل انو براءه تكون وحده من الخمسه بنات الحيتباعو لي الرشيدد..
رحيق بكواريك انت جنيييييييت قلت ليك بنات الجامعهه خط احمر انت عايز توديني في ستين دهيه ولا شنو.... صلاح قال ليها كان تفكري في العواقف قبل تقلبي الدنيا فوق راسناااا.. و ابوي لو عرف حيقول ليك نفس كلامي دا لكن بي طريقتو وانتي عارفه طريقه ابوي كويس... عشان كدا اختصري الطريق على روحك بي ابسط الخسائر و قفل في وشها الخط...
__________
بعد اشرت لي زياد على الصيدليه..شكرني و ركب عربيتو عشان يركنها لأنها كانت واقفه في الشارع.. و انا شلت ريل و دخلنا الصيديله وحرفيا ما مصدقه انها كويسه و ما حصلت ليها حاجه..قعدت في الكرسي فجأه ونزلت ريل وانا حاسه راسي لااااافي و شايفه طشاش..ريل وقفت قدامي و هي بتقول لي مَالِتْ( مالك) يا حالتو...
شلتها قعدها في رجولي وقلت ليها انا كويسه يا ريل... بس ابدا ما كنت حاسه اني كويسه الصدااااع جاني دفعه وحدهه زي الكأنو في زول خبتني بي حجر في راسي.... و كل النشاط داك اتحول لي فتوووور و ارهااااق شديييد... و بقيت حاسه بي ضيق في صدري...مسكت ريل علي شديد عشان م تطلع برا او تحصل ليها حاجه تاني وتكيت راسي على الرّف الوراي وكل الحجات السيئه في حياتي جات ماره قدامي زي البحضر في شريط و يادوب استوعبت اني لمن اطلع من هنا حألاقي محمد...
زياد جا داخل اول ماشافني انا وريل اتخلع ووقف مسافه جنب الباب و سألني انتي الشغاله هنا!!!..
من غير ما ارفع راسي قلت ليهو ايواااا اتفضل...
ملامح وشو اتقلبت 360 درجه و بقت جامده و جديه زي الكأنو دي ما نفس الشخصيه الساعدتني قبيل...جا علي و مدّا لي روشته.. بس انا حرفيا ما كنت قادره ارفع راسي...
زياد بنبره حاده :طيب مش مفترض طبيعه شغلك انك تشوفي انا عايز شنو بدل ماخده راحتك على الاخر و قاعده بالطريقه دي؟!.. ما رديت عليهوووو
ريل بقت تضرب فيني بخفه في وشي و تقول لي دُومي(قومي) عمو زياد الأنقذني جاااااا يا حالتووو... وانا ضرباتها دي كنت حاسه بيها زي الكفوف واصلا كنت حاسه بوجع جسم و صداع رهييييب... دموعي نزلت غصب عني وبقيت بكورك وبقول ليهمممم انا تعباااااااااانه شديييييييد حاسه اني حأمووووووت...
زياد لفففف بسرعه و دخل لي في الكاونتر وهو بقول لي بسم الله الرحمن الرحيم مالك يا بت الناس؟!!!... ريل بقت تبكي ومسكت في رجلين زياد... وزياد بقا ما عارف يعمل شنو... في اللحظه دي بالضبط دخل صلاح لقاني بكورك و زياد واقف جنبي.. بقا واقف زي الصنم وما عارف يعمل شنو و بس بعاين لينا..زياد لمن شافوووو كورك فيهووووو و قال ليهوووو حتقيف تتفرج كدا كتيييير تعاااال امسكها معاي نركبها العربيه نوديها اقرب مستشفى...و اتصل على اي زول من اهلهااااا البت اطرافهااااا زي التلج...
صلاح يادوب استوعب حجم الكارثه ولانو عارف اعراض الحبه بسرعه مشا جاب جهاز الضغط و قال ليهو دقيقه خليني اقيس ضغطها... دي اعراض زول ضغطو منخفض شديد...فعلا قاس لي الضغط لقاهو منخفض شديد.. وانا دا كلو شايفاهم و سامعاهم بس اعصابي مرخيه ومن الصداع ما قادره اتكلم
صلاح : كبايه جبنه تقيله بس حتوزن ليها الضغط وبسرعه وصل البويلر عشان يعمل لي الجبنه...ريل كان ماسكه في زياد و بتعاين لي و تبكي...زيال شالها و قال لي صلاح انت متأكد؟..
صلاح قال ليهو لو ما اتحسنت بنوديها المستشفي...زياد عاين لي و عاين ليهو مسافه بتفحص بعداك طلع بي ريل الشارع عشان يهديها و عشان ما تشوفني بالحاله دي ...و صلاح عمل لي الجبنه و خت فيها الحبه سرعه سرعه قبل زياد ما يجي و شربني ليهااااا...شويه شويه الصداع بدا يخف... بس اعصبي لسه مرخيه و لسه ما قادره اقوم... جات داخله مرا كبيره قالت ليهو لو سمحت عايزه مضاد حيوي...و فلاجيل.. صلاح اداهم ليها ووراها تاخدهم كل كم ساعه... رفعت راسي قلت ليهووو بتعب وارهاق رييل ويييين؟... قال لي ريل كويسه دقيقه بسس... وقبل على المرا قال ليهو لو سمحتي يا خالتي وانتي طالعه بتلقي راجل واقف جنب باب الصيدليه شايل ليهو شافعه لو ما فيها تعب ناديهو معاك عليك الله... فعلا المرا طلعت وقالت لي زياد مرتك بتسأل عن بتهااااا يا ولدي ومشت خلتو واقف مستغرب! الا بعد مسافه فهم انها قصداني و قاصده ريل... عدل يد ريل النامت في كتفووو ودخل لقاني صحصحت و شبه طاقتي رجعت لي قال لي انتي كويسه؟.. اضربي لي اهلك و خليني اوديك الدكتور...
صلاح بتوتر: ما بحتاج ضغطها كان منخفض ما اكتر حتشرب كبايه قهوه تاني.. ولمن ترجع البيت تاكل جِبنه... وحتبقا فللل...
زياد عاين ليهو جوا عيونو وقال ليهو : انا شايف انك تقفل الصيدليه و تفتح ليك عياده احسن!! انت لي ما عايزها تمشي المستشفى!
صلاح : وانت لي مركز مع الموضوع شديد كدا البت كويسه وبعدين انت بتعرفهاااا من وين اصلا ؟..قلت ليهم يخوانا في شنو انا كويسه الحمد لله شكلي بس هبطته شديد من اثر الخلعه بتاعت ريل...شكرا ليك يا زيادد الليله ضيّعنا ليك يومك كلوووو اعفي لينا و شلت منو ريل وكلي حيويه ...زياد ما رد علي بس كان بعاين لي زي البقرا فيني و اكتفى بي انو يمد لي الروشته وقال لي قالو لي بلقا الادويه دي هنا..
صلاح شال مني الروشته وقال ليهو دي ما صيدلانيه...ومشا جاب ليهو الادويه بنرفزه واضحه ... قلت ليهو انا شغاله في القسم دا واشرت على قسم الكريمات ومستلزمات الاطفال و غيرها... واتجهت على المكان الخته فيهو صلاح الكبابي بتاعتي و شلت كبايه سوداء راسمه فيها بالدهبي... وختيتها ليهو في كيسو بتاع الادويه و قلت ليهو دي من ريل... ولا عبرني شال الكيس وحاسب و طلع...خلاني مستغربه وبقول بيني و بين نفسي دا شنو الكائن الغريب دا!!...اتلفتت على صلاح وقلت ليهو انا ح امشي البيت ضروري و الساعه بتاعت الليله دي حأعوضها بكره ان شاء الله بجي من قبل ٣....قال لي تمام و اكد لي انو لازم اجي بكره من غير اي اعزار..شلت ريل و ركبت ركشه و اتحركت على البيت
_______________
بعد طلعت من الصيدليه صلاح اتصل على صدام اخوهو... وحكى ليهو بي كل الحاصل...
صدام وهو بشاكل فيهو: الغلط غلطك ما غلط رحيييق يعني ما كنت قادر تصبر لحدي ما نطلع من المصيبه الدخلنا فيها ابوك دي؟ البت كان حتطير منك؟ ...
صلاح : هسي دا ماوقت كان و ما كان الحصل الحصل.. المشكله هسي في الراجل الشافها بي حالتها ديك شكلو تبع الامنننن يا صدام الراجل في لحظه خلعه منوووو قال لي تعال شيلها معاي نوديها المستشفى و اضرب لي اهلها بثقه زول عارف انو انا منو... وهو اصلا ما شافني عشان يعرف انو انا الصيدلي.. وبعاين لي عييين اقسم بالله حسيتو بدرس في كل حركاتي و عارف انا بعمل في شنو..
صدام بكواريك : انت متأكد من البتقول فيهو دا و واعي انت بتقول. في شنو؟!
صلاح وهو ماشي ووجاي في الصيدليه من التوتر : متأكد تسعين في الميه..منو البخلي الوراهو والقداموووو و ينشغل بي وحده ما بعرفهااااا يا صدام و لمن بقول لي بي عين قويه وواثقه انت لي ما عايزها تمشي المستشفى؟!...
صدام كفت الكبايه الكان قدامو وقال ليهو يعني ما عارف انو انت تحت الرقابه ابوك مش كلمك والله يعرف يقتلكم انت ورحيق الاتنين و يمشي في جنايزكم... الراجل دا لو طلع تبع الامن بالجد بعد شافها بالحاله ديك من نظره منو بس حيعرف انو البت اخدت مخدرررر جديد على جسمهااااا... كلم رحيق تستعجل تتم البنات ديل خمسه وخلال الاسبوع دا لازم نسلمهم لي الرشيد...
______________
زياد دخل القسم و قال للضابط عادل تعال وراي يا عادل و جهز لي كل البيانات العرفتوها عن البت الشغاله مع صلاح...ودخل المكتب يحي قال ليهو عملت شنو ... زياد قال ليهو اقسم بالله كنت حأقفل الصيدليه و اكلبشهم و ارفعهم الاتنين زي الترتيب... بس اتزكرت كلامك في اخر لحظه و استهديت بالله لانو كان معاهم شافعه...
يحي قال ليهو بي استغراب شافعه؟! و مروان قال ليهو ترفعهم لي حصل شنو....
زيااد : اي شافعه شفتو الاستهتار... جايبه معاهاااا شافعه و هي ضاربه ليها حاجهه وما واعيه اصلاااااا...وحكى ليهم القصه كلها من البدايه و قال ليهم لو ما مصطفى مشاكل قال عندهم تسليم بضاعه قريب و خفت تعبنا كلو يروح على الفاضي... علي القسم كان رميتهم الاتنين في السجن لمن راسهم سخن..ههه قال قهوه قال !!... قهوه شنو البتخلي زول كان بقول انا داير اموت زي الحصان في اقل من نص ساعه!!..
عادل دق الباب..يحي قال ليهو اتفضل دخل سلّم الملف لي زياد و طلع...
زياد وهو بقرا الملف بصوت عالي : رحيق ازهري الطيب سليمان...19 سنه.. بتقرا جامعه (.....) قسم الهندسه...ابوها وامها الاتنين متوفيين...بت اختو لي العدناني ..و بت خالتو لي صلاح...
يحي : طيب اشمعنى شغل بت خالتو معاهو في الفتره دي بالزات .. مروان قال ليهو و كمان شغل ما منطقي و هامشي... البت اصلا ما عندها علاقه بالصيدله و بتقرا هندسه...
زياد : واالصيدليه اصلا ما زحمه في الفتره الانا مشيت فيها دي كلها جاتهم مرأه وحده بس.. يعني ماف زحمه شغل لدرجه انو يشغل معاهو زول...
يحي : يمكن شغلها معاهم والجوطه الحاصله دي كلها عندها علاقه بي تسليم البضاعه الاتكلم لينا عنها مصطفي مشاكل.. مروان قال ليهو وارد برضوووو!! يحي قال ليهم في في سؤال واقف لي في حلقي و محيرني من قبيل.. زياد و مروان الاتنين قالو ليهو بي كل انتباه : سؤال شنوووو؟...
يحي خلف رجلو و قال ليهم رحيق دي كيف سمحه ولا شينه يا زيااااااد و قعد يضحك...
مروان وهو بضحك : تصدق ماف شي بحير في الحاصل دا كلوووو غير سؤالك دا.... انا زاتي احترت واالله...انت عارف شكلو دا السؤال الإذا عرفنا اجابتو القضيه حتنتهي و تاني ما حيبقى في عدناني زاتو...
زياد بضحك: مروان كلم الريّسسس عليك الله ينقل يحي دا... يوديهو اي مكتب تاني...
يحي وهو ميت من الضحك:انا جادي والله.... زياد قال ليهو لو ظبطته لينا فته فووول ظابطه كدا بوصفها ليك عديل... قوم عليك الله انا داير اموت بالجوع
__________
دخلت البيت لقيتووو يولع من النضافه تقول الليله عيد.. والبخور دا من جنب الباب الواحد بشم ريحتو... رقدت ريل في السرير و قلت لي امي دا كلو عشان محمد جاي يسلم عليك!...
امي: امشي امشي يا بت استحمي و غيري شكلك دا خلي الفصاحه..
